Абдураҳмон Мешаян шеъри: Яҳудий бузруквор ибрати

09:00 08.06.2018 1719

Рамазонда кўриб ўғли еб турганин нон,

Унга қаттиқ дашном бермиш яҳудий падар.

“Мусулмонлар рўзадордир, эй азиз ўғлон,

Нонинг уйда егил, рўза битгунга қадар”.

 

Бугун эса қоқ пешинда “оғзини очиб”,

Кўча-кўйда нон-ку майли, хамр тотган мўл.

Жувон юрар, рўзада ҳам сийнасин очиб,

Гап гапирсанг, жим бўл дерлар, эрим қўйган йўл!

 

Рўза чоғи ўғил ичса индамас ота,

Дегим келар бахтга яқин йўлолмадингми?

Рамазонни қадрлагач, ҳурмат уйғота,

Бир яҳудий бузрукворча бўлолмадингми?

Azon.uz янгиликларини Telegram'да ҳам кузатиб боринг!