Дилбар Ғуломова Дин ишлари бўйича қўмита раисининг ўринбосари этиб тайинланди

11:33 09.09.2019 4790

Дилбар Муҳамедхановна Ғуломова Вазирлар Маҳкамаси ҳузуридаги Дин ишлари бўйича қўмита раисининг ўринбосари этиб тайинланди.

Эслатиб ўтамиз, аввалроқ Давлат хавфсизлик хизмати тизимида ишлаган Дилшод Муҳитдинович Эшнаев Вазирлар Маҳкамаси ҳузуридаги Дин ишлари бўйича қўмита раисининг ўринбосари – Диний-ижтимоий жараёнларни ўрганиш ахборот-таҳлил маркази директори этиб тайинлангани  ҳақида маълум қилган эдик.

Дилбар Ғуломова 1995 йилдан Ўзбекистон хотин-қизлар қўмитасининг раиси бўлиб ишлаган, 2000 йилда Олий Мажлис сессиясида Ўзбекистон Республикаси бош вазирининг ўринбосари — Ўзбекистон хотин-қизлар қўмитасининг раиси этиб тасдиқланган. Ҳар икки лавозимни 2004 йилга қадар эгаллаган. 1999-2004 йилларда Олий Мажлис депутати бўлган.

Azon.uz янгиликларини Telegram'да ҳам кузатиб боринг!