«Кўп жойларда намоз ўқишга шароит бўлмайди ва айрим ҳолларда намоз ўқишга журъатим етмайди»
Савол
Ассалому алайкум, устоз. Менинг саволим: касбим нонвой, шу касбим туфайли ҳар хил хонадонларда, ҳар хил жойларда ишлашимга тўғри келади. Кўп жойларда намоз ўқишга шароит бўлмайди ва айрим ҳолларда намоз ўқишга журъатим етмайди. Маслаҳат беринг, нима қилсам бўлади?
Azon FM онлайн радиоси
Саволим бор...
Жавоб
Намозни ҳар қандай ҳолатда ўқиш лозим. Сиз Аллоҳдан тақво қилсангиз-қўрқсангиз ва ҳаракат қилсангиз Унинг ўзи йўл кўрсатади ва мушкулингизни осон қилади. Аллоҳ таоло: "Ким Аллоҳга тақво қилса, У зот унинг йўлини очиб қўюр" ("Талоқ" сураси, 2-оят) ва "Ким Аллоҳга таваккал қилса, бас, унга У зотнинг Ўзи кифоядир" ("Талоқ" сураси, 3-оят), дейди. Демак, сиз Худодан қўрқиб, астойдил қасд ва ҳаракат қилсангиз, намоз ўқишингизда ҳеч қандай муаммо бўлмайди.
Аллоҳ янада билгувчироқ.
Мубашшир Аҳмад