Таҳлил

1959 йил: Москвадаги эпидемия ва карантиннинг фойдаси

2876

Карантиндан қочаётганларга ва уни менсимаётганларга амал қилмаслик қандай аянчли аҳволга олиб келишини оддий мисол билан тушунтираман:

1959 йилнинг 23 декабрида рассом Алексей Кокорекин Деҳлидан Москвага келиб қўнади. Рассом келиши биланоқ шамоллагандек ҳис қилади, ўша куни кечқурун уни иситма, йўтал ва бутун танасида кучли оғриқ пайдо бўлади. Эртаси куни поликлиникага мурожаат қилади ва унга шифокор оддий грипп ташхисини қўяди. Орадан вақт ўтгач беморни баданига тошмалар тоша бошлайди, шифокорлар бу ҳолатни оддий аллергияга йўйишади. Аслида бемор Ҳиндистондан чечак касаллигини юқтириб келган эди, буни ўша ердаги ёш аёл шифокор билиб қолиб ҳамкасбларига хабар беради, лекин профессорлар ёш мутахассисни менсимай унга қулоқ солишмайди.

29 декабр куни бемор вафот этади, лекин қисқа вақт ичида у ётган палатадаги беморлар, самолётдагилар ва рассомни яқинлари вирусни юқтириб олган эди. Бир ҳафта ичида 10 мингга яқин одам карантинга тушади, улардан 46 нафарида чечак вируси (вариола вера) топилади, 3 киши вафот этади.

Шундай қилиб 7 миллионлик Москва аҳолиси мажбурий вакцина олади, эпидемияни 19 кунда тўлиқ назоратга олишга эришилади.

Изоҳ ва хулоса:

Азиз ватандош, масъулиятли бўлинг, ўзингиз ва бошқаларни ҳаётини хатарга қўйманг, тез орада ҳаёт яна олдингидек ҳолатига қайтади, даво топилади, касаллар тузалади, фақат ҳар биримиз масъулиятни ҳис қилишимиз шарт, вазиятдан чиқиш фақат ўзимизга боғлиқ, шуни унутманг!

Доктор Билол

УЛАШИНГ:

Теглар:

Мавзуга доир:

"Бу уруш": Шифокор русларни уйда қолишга чақирди

1449 23:00 27.03.2020

Россия коронавирус туфайли ҳаром ичимлик сотишни чеклашга чақирди

688 18:00 27.03.2020

Россия мусулмонлар диний идораси карантин давридан қандай фойдаланиш кераклигини айтди

339 09:30 27.03.2020

Россия халқаро авиақатновларни тўхтатади

271 20:30 26.03.2020

Россия: референдум қолдирилади, корхоналар иши тўхтайди

433 10:00 26.03.2020

Россия фуқароларига тезда АҚШни тарк этиш тавсия қилинди

1467 21:30 25.03.2020
« Орқага