82 ёшли Бутефлика яна президент бўлмоқчи

Жазоирнинг амалдаги раҳбари Абдулазиз Бутефлика бешинчи бор президент сайловида қатнашиш ниятида, дея хабар бермоқда APS агентлиги.

Бутефликанинг номзодини бир нечта сиёсий партиялардан иборат ҳукмрон аляьнс қўллаб-қувватлади. Аммо мухолифлар унинг саломатлиги яхши эмаслигини айтиб, мамлакатни тўлақонли бошқаришига шубҳа билдирмоқда. Президент 2013 йилда микроинсультни бошидан ўтказган, ўшандан бери оммага кам кўриниш беради ва ногиронлар аравачасида ҳаракатланади.

Абдулазиз Бутефлка 1999, 2004, 2009 ва 2014 йилларда бўлиб ўтган сайловларда ютиб чиққан. Навбатдаги президент сайлови жорий йилнинг 18 апрелига режалаштирилган.