Германиянинг машҳур Bild нашри газетанинг бош саҳифасига, ёнаётган машинадан икки ёшли синглиси Хиру Нур Буюкхонни қутқарган Кенан Буюкхоннинг қаҳрамонлиги тўғрисидаги мақолани жойлади.
– Боланинг онаси машинани Нюрнберг шаҳридаги болалар боғчаси ёнида қолдириб кетган. Улов ичида фарзандлари ҳам бўлган. Шу пайтда 9 ёшли Кенан тутун ҳидини сезиб, машинадан чиқади, умрида биринчи бор, қийинчиликлар билан болалар ўриндиғидаги хафвсизлик камарини ечиб, синглисини ҳам машинадан туширади.
Онаси Тугба Буюкхон боғчадан чиққанида, ёнаётган машинани кўриб, қўрқиб кетади. Дод солиб, ўзини ёнғинга отмоқчи бўлиб турганида, синглисини кўтариб панада турган ўғли уни ҳам тўхтатиб қолади.
Буюкхонлар оиласини Нюринбергдаги Туркиянинг бош консулхонасига таклиф этишди. Туркия бош консули Явуз Кюль 9 ёшли қаҳрамонни тақдирлади.
Манба: islam.ru
