Telegram каналимизга аъзо бўлинг
Янгиликлар

Абдулазиз Камилов: «Афғон халқига реал ёрдам кўрсатиш жуда муҳим»

606

Ўзбекистон Республикаси Ташқи ишлар вазирлиги матбуот хизмати хабар беришига кўра, 2021 йилнинг 7 декабрь куни Ўзбекистон Республикаси Ташқи ишлар вазири Абдулазиз Камилов Шанхай ҳамкорлик ташкилоти Минтақавий аксилтеррор тузилмаси (ШҲТ МАТТ) Ижроия қўмитаси директори лавозимидаги миссиясини якунлаётган Жумахон Ғиёсовни қабул қилган.

Таъкидланганидек, Ўзбекистон ташкилотга аъзо давлатларнинг терроризм, экстремизм ва сепаратизмга қарши курашдаги ўзаро ҳамкорлигини таъминлаш бўйича ШҲТнинг асосий органи бўлган МАТТ фаолиятига катта аҳамият қаратмоқда.

Учрашувда Абдулазиз Комилов Афғонистонни ижтимоий-иқтисодий қўллаб-қувватлаш мавзусига тўхталган.

«Афғонистондаги вазиятга келсак, сўздан амалга ўтиш вақти келди. Қиш келмоқда. Мамлакатдаги вазиятни беқарорлаштиришга олиб келиши мумкин бўлган гуманитар фалокатнинг олдини олиш учун афғон халқига реал ёрдам кўрсатиш жуда муҳим», — деган у.

Вазир Ж.Ғиёсовнинг ташкилотни янада ривожлантириш ва ШҲТга аъзо давлатларнинг ваколатли органлари ўртасидаги ўзаро ҳамкорликнинг ижобий суръатини таъминлашга қўшган шахсий ҳиссасини юқори баҳолаган.

Ўз навбатида, Ж.Ғиёсов ўз миссиясини муваффақиятли бажариш учун яратилган қулай шарт-шароитлар ва ШҲТ МАТТ Ижроия қўмитаси фаолиятига кўрсатилаётган кўмак учун Ўзбекистон томонига самимий миннатдорлик билдирган.

2022 йил 1 январдан ШҲТ МАТТ Ижроия қўмитаси директори лавозимида Ўзбекистон вакили Руслан Мирзаев фаолиятини бошлайди.

УЛАШИНГ:

Теглар:

Мавзуга доир:

“Abdulhamid Xon” Ўрта ер денгизида газ излашни бошлади

157 12:40 18.08.2022

Ғазо соҳили Исроил ҳужумида ҳалок бўлган болаларнинг исмлари ва расмлари билан “безатилди”

79 12:20 18.08.2022

Ким Байтуллоҳга кирса, яхшиликларга кирибди...

157 11:56 18.08.2022

БМТ Мьянма ҳарбий маъмуриятини репрессияларни тўхтатишга чақирди 

89 11:40 18.08.2022

Мексика “журналистхўр” мамлакатга айланиб қолди

122 11:10 18.08.2022

Шанхай ҳамкорлик ташкилотига аъзо давлатлар Ички ишлар ва жамоат хавфсизлиги вазирларининг тўртинчи йиғилиши бошланди

82 10:46 18.08.2022
« Орқага