Telegram каналимизга аъзо бўлинг
Янгиликлар

Абдулазиз Комилов Саудия Арабистони ташқи ишлар вазири билан қўнғироқлашди

1176

Жорий йилнинг 22 май куни Ўзбекистон президенти ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари Абдулазиз Комилов Саудия Арабистони ташқи ишлар вазири шаҳзода Файсал ибн Фарҳан ибн Абдулла билан телефон орқали мулоқот қилди.

 Икки давлат расмийлари орасидаги мулоқот ҳақида Саудия расмий ахборот агентлиги хабар тарқатди. Агентликнинг хабарида Абдулазиз Комиловни президентнинг махсус вакили деб таништирилган.

Хабарда ёзилишича, суҳбат давомида икки томонлама муносабатлар, уларнинг икки давлат ривожланишига хизмат қилиш йўллари кўриб чиқилган, шунингдек, минтақавий ва халқаро миқёсдаги сўнгги воқеалар, умумий манфаатдор масалалар муҳокама қилингани айтилган.

Эслатиб ўтамиз, Комилов саломатлиги билан боғлиқ муаммо туфайли хорижда даволанаётгани айтилган  эди. У ҳақида анча вақтгача ҳеч қандай маълумот берилмаганди. У охирги марта жорий йилнинг 17 март куни Сенатнинг ялпи мажлисида кўриниш берган ва расмий Тошкент ўзини мустақил деб эълон қилган Донецк халқ республикаси ва Луганск халқ республикасини тан олмаслиги, Украинанинг ҳудудий яхлитлигини эса қўллаб-қувватлашини билдирган эди.  Кейинроқ Абдулазиз Комиловнинг ташқи ишлар вазири лавозимидан олиниб, 2022 йил 27 апрелда Ўзбекистон президенти ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари лавозимига тайинлангани эълон қилинганди.

УЛАШИНГ:

Теглар:

Мавзуга доир:

Канада 10 000 мусулмон уйғурни кўчиришни таклиф қилмоқда

695 22:10 02.02.2023

Самарканд Эрон ва Мовароуннаҳрнинг форс тилли шоирлари шеърларида

319 21:35 02.02.2023

Масхаралашми ёки сўз эркинлиги?

491 21:07 02.02.2023

Юрагини бўйсундиролмаётган аёл

907 20:05 02.02.2023

Тазйиқ ва қўрқув: Моди даврида ҳиндистонлик мусулмонлар ҳаёти

665 18:45 02.02.2023

Қуръон сура ва оятларини кириллчада ёзиб ёдласа бўладими?

1459 17:20 02.02.2023
« Орқага