Абу Ҳанифа ва даҳрийлар (атеистлар)

12:30 02.10.2018 1505

Даҳрийлар:

– Роббинг қачон пайдо бўлган?

Абу Ҳанифа роҳимаҳуллоҳ:

– Аллоҳ тарих ва замонлардан олдин мавжуддир. Унинг пайдо бўлишининг аввали йўқдир. Менга айтингларчи тўртдан олдин нечи бор?

– уч бор

– учдан олдинчи?

– икки бор

– ундан олдинчи?

– бир бор

– бирдан олдинчи?

– ҳеч нарса йўқ

– агар саноқ бўлган бир сонидан олдин ҳеч нарса йўқ экан, ҳақиқий ягона бўлган зот ҳақида нима дейсизлар?!

– Роббинг қаёққа қараб туради?

– агар қоронғу хонага лампа олиб кирсангиз, нур қаёққа юзланади?

– ҳаммаёққа

– агар ясалган нур шундай бўлса, осмонлар–у ернинг нури бўлган зот қандай бўлади?!

– Роббингни бизларга сифатлаб бер, у темир каби қаттиқ жисмми ё сувга каби суюқликми ё тутин каби газли моддами...?

– сизлар ўлаётган кимсанинг олдида ҳозир бўлганмисизлар?

– ҳа,бўлганмиз

– у ўлгандан кейин ҳаракатланиб гапирганми?

– йўқ

– ўлимидан олдин гапирармиди?

– ҳа

– уни нима ўзгартирди?

– руҳи чиқиши

– унинг руҳи чиқдими?

– ҳа

– мана шу руҳни менга сифатлаб берингларчи?У темир каби қаттиқ жисмми ё сувга каби суюқликми ё тутин каби газли моддами...?

– у ҳақида ҳеч нарса билмаймиз..

– агар яратилган руҳ ҳақида ҳеч нарса билмасанглар, уни сифатлаб бера олмасанглар, қандай қилиб мендан буларнинг ҳаммасини яратган илоҳий зотни сифатлаб беришимни сўрайсизлар?

Шунда улар мот бўлишди, Аллоҳ Абу Ҳанифани Ўз раҳматига олсин!

Абдуллоҳ Камол

Azon.uz янгиликларини Telegram'да ҳам кузатиб боринг!