Telegram каналимизга аъзо бўлинг
Янгиликлар

Адабиёт бўйича Нобел мукофотини топшириш маросими бойкотга учради

2154

Адабиёт бўйича жорий йилги Нобел мукофоти австриялик ёзувчи Петер Хандкега берилгани сабабли Туркия, Албания ва Косово мукофотни топшириш маросимида қатнашмасликка қарор қилди. Бу ҳақда Reuters хабар бермоқда.

Туркиянинг Швециядаги элчиси турк делегацияси бугун бўладиган маросимда қатнашмаслигини маълум қилган. Аввалроқ бойкот ҳақида Албания ва Косово ҳам билдирган эди. 

“Югославия тарқалаётган пайтдаги урушда содир этилган ваҳшийликларни оқлашни рағбатлантирмаслик керак. Бу инкор этишни кучайтиради, холос. Инкорни эса қатъиян қоралаш зарур”, – деди Албания ташқи ишлар вазири Гент Чакай. 

Петер Хандкега Нобел мукофотининг берилиши қаттиқ танқидларга сабаб бўлди. У 2006 йилда сербларнинг етакчиси Слободан Милошевичнинг дафн маросимида қатнашиб, унинг ҳаракатларини оқлаган эди. Ҳолбуки, Халқаро суд Милошевични серб кучлари 1990-йилларда Босния, Хорватия ва Косовода амалга оширган ваҳшийликлар ва этник тозалашларда айбдор деб топган. Бундан ташқари, Петер Хандке Сребриницада мусулмонлар геноцидга учраганини инкор этган. 

Австриялик ёзувчининг тақдирланиши адабиёт бўйича Нобел мукофотини берадиган Швед академиясининг ўзида ҳам норозилик келтириб чиқарди. Петер Хандкега мукофот берилишини маъқулламаган ёзувчи Гун-Бритт Сундстрем академияни тарк этди.  

УЛАШИНГ:

Теглар:

Мавзуга доир:

Эрдоған: «Сиёсатда хафагарчиликка ўрин йўқ...»

472 12:05 29.11.2022

Истанбулдаги “MEZANA” академиясида оралиқ имтиҳонлар бўлиб ўтди

352 09:45 29.11.2022

Шаҳбоз Шариф: «Покистон ва Туркия ресурсларни бирлаштириши керак»

633 19:40 28.11.2022

Истанбул сафари таассуротлари: «Бундай давлатга бош вазир бўлишдан ор қиламан!»

3570 09:12 28.11.2022

Калин: Анқара террорга қарши кураш учун рухсат сўрамайди  

604 16:20 27.11.2022

Ҳалол маҳсулотлар нафақат мусулмонлар, балки бутун дунё бўйлаб харидоргир

436 11:40 26.11.2022
« Орқага