Янгиликлар

Адабиёт дарсида ҳадис ўрганишибди...

2003

Бугун 5-синфда ўқийдиган ўғлимнинг айтишича, адабиёт дарсида Имом Бухорий ҳақларида, ҳадислар ҳақида мавзу ўтишибди. Пайғамбарлар ҳақида анча-мунча маълумотларни ўрганишибди. Пайғамбаримиз алайҳиссаломни кўрган, суҳбатларида бўлганлар саҳобалар, улардан кейингилар эса тобеинлар дейилишини ҳам ўша дарсда эшитибди.

Ҳар куни эрталаб ва кечқурун ҳадисга мувофиқ "Раббим, илмимни зиёда қил", деб дуо қилишимиз керак экан, дейди. Ўқитувчиси нариги дарсимизга ҳамма қаердан бўлсаям топиб, ҳадис ёдлаб келсин, деб вазифа берибди. Ўғлимнинг хурсандлигини кўрсангиз. Ўқитувчингга ҳадисни арабий матнигача ёдлаб келаман, деб айтмадингми, деб юборибман.

Иншааллоҳ, ҳадис ёдлаш одобларини яна бир карра эслаб, ўргатаман. Чунки ҳадисни ривоят қилишнинг ҳам ўзига хос одоблари бўлади. Таҳоратли бўлиб, хушбўйланиб, чиройли кийимларни кийиб, виқор билан ҳадис айтиш барча муҳаддис уламоларнинг одатлари бўлган. Ўғлимга ўша одобларни ўргатаман. Яна ҳадисни айтишдан олдин "Бисмиллаҳир Роҳманир Роҳийм"ни зикр қилиб, "Пайғамбар алайҳиссаломдан ривоят қилинадики" каби жумлалар билан айтишни таълим бераман. Чунки мактаб дарсликларида бу гаплар зикр қилинмай, оддийгина қилиб ҳадис деб ёзиб қўйилади кўпинча. Шоядки, устоз ва ўқувчиларнинг ҳадисга бўлган муҳаббатлари шу сабаб ортса, деб умид қиламан.

Умиджон Турсинов

УЛАШИНГ:

Теглар:

Мавзуга доир:

Айрим карантин талаблари сақланиб қолади

92 06:00 04.06.2020

Расман: 15 июндан бошлаб кўплаб соҳалар фаолиятига рухсат берилади

196 05:30 04.06.2020

Эртадан бошлаб ички туризмга кенг йўл очилади

243 05:00 04.06.2020

Расман: Ўзбекистонда эртадан масжидлар очилади

1268 04:16 04.06.2020

Олий Мажлис Сенати ҳузурида Ёшлар парламенти ташкил этилади

119 17:30 03.06.2020

Қашқадарёдаги мадраса Ҳунармандлар уйига айлантирилади

933 17:00 03.06.2020
« Орқага