Янгиликлар

Афғонистон – Ўзбeкистон – Қозоғистон – Хитой тeмир йўли ишга тушди

1253

Жорий йилнинг 11 cентябрь куни Кобул шаҳридаги “Арг” саройида Афғонистондан Хитойга Ўзбекистон ва Қозоғистон ҳудудлари орқали биринчи контейнер поезди йўлга қўйилиши муносабати билан тантанали тадбир бўлиб ўтди. Ташқи ишлар вазирлигининг маълум қилишича, тадбирда Афғонистон Ислом Республикаси Президенти Муҳаммад Ашраф Ғани, ҳукумат аъзолари, парламентнинг иккала палатаси депутатлари, Афғонистоннинг ижтимоий-сиёсий ва ишбилармон доиралари, шунингдек, дипломатик корпус вакиллари иштирок этди.

Афғонистон транспорт вазири Яма Яри мамлакатда транспорт коридорларини ривожлантириш ва афғон маҳсулотларини Хитойга экспорт қилиш режалари ва Ҳайратон портидан Хитойга 41 вагонли биринчи контейнер поездининг муваффақиятли юборилишини олқишлади. Вазирнинг таъкидлашича, темир йўл транспортининг йўлга қўйилиши Афғонистон экспортини бир неча маротаба кўпайтиради, шу билан бирга товарларни ташиш ва етказиб бериш вақтини камайтиради.

Муҳаммад Ашраф Ғани Ўзбекистоннинг минтақадаги юклар транзити, транспорт ва коммуникация йўналишларини ривожлантиришдаги саъй-ҳаракатларини юқори баҳолади ва Афғонистон юкларининг Хитойга транзит қилинишига кўмаклашгани учун республика раҳбариятига алоҳида миннатдорчилик билдирди: “Мен қадрдон дўстим Президент Шавкат Мирзиёевга Афғонистонни тиклаш ва ривожлантириш йўлида мамлакатимиз халқи ва ҳукуматига кўрсатаётган ёрдам учун самимий миннатдорчилик билдирмоқчиман”.

УЛАШИНГ:

Теглар:

Мавзуга доир:

Латвия Ўзбекистон фуқароларини Полшадан олиб келяпти

148 07:59 10.07.2020

Халқ таълими вазири Azon жамоасига: “Илм олиш Ислом динида муҳимлигини эслатинглар!”

2412 17:13 09.07.2020

"Агар карантин муддати сурилса, тест синовлари ҳам кечиктирилади..."

392 16:49 09.07.2020

Ўзбекистон: коронавирусга чалинган хорижлик вафот этди

507 16:08 09.07.2020

3 минг юртдошларимиз ҳамон Қозоғистон чегарасида қолиб кетяпти

329 15:53 09.07.2020

“Оғир ҳолатдаги, касаллик билан курашиб ётган беморларни кўрсатиш керак”

428 12:53 09.07.2020
« Орқага