Telegram каналимизга аъзо бўлинг
Таҳлил

“Афғонистонда тинчлик ўрнатилишида Ўзбекистонга эҳтиёж бор”

880

“Янги Ўзбекистон” газетасида Ўзбекистон Президентининг Афғонистон масалалари бўйича махсус вакили Исматулла Иргашeвнинг мақоласи чоп этилди. 

“Афғон масаласига ёндашувимизнинг афзаллик жиҳати шундан иборатки, Ўзбекистон қўшни мамлакатдаги барча сиёсий кучлар, миллий-диний гуруҳлар ва қуролли мухолифат вакиллари, шу жумладан, “Толибон” ҳаракати раҳбарияти билан бирдек мувозанатли алоқалар ўрнатишга муваффақ бўлди”, – дейилади мақолада.

И. Иргашевнинг сўзларига кўра, “ҳозир Афғонистонда тинчлик ўрнатиш жараёнида Ўзбекистоннинг фаол қатнашишига яна-да кўпроқ эҳтиёж сезилмоқда. Президентимиз томонидан Бирлашган Миллатлар Ташкилотининг 75-сессиясида мамлакат миллий иқтисодини тиклашга қаратилган Афғонистон бўйича махсус қўмита таъсис этиш тўғрисида илгари сурган ташаббус халқаро ҳамжамият тарафидан қўллаб-қувватланмоқда”.

“Афғонистон иқтисодиётини қайта қуриш, мамлакат ижтимоий соҳасини ривожлантириш, илмий салоҳиятини, тўлақонли маориф ва таълим тизимини барпо этиш учун малакали мутахассисларга эҳтиёж сезилмоқда. Ушбу воқеликдан келиб чиқиб, Термиз шаҳрида Афғонистон фуқароларига таълим бериш маркази таъсис этилди. Ҳозирда ушбу ихтисослашган ўқув юртида юзлаб афғонистонлик талабалар олий таълимнинг турли йўналишлари бўйича таҳсил олмоқда. Бир сўз билан айтганда, Ўзбекистон афғон миллий кадрларини тайёрлаш ва мутахассислар малакасини ошириш ишига салмоқли ҳисса қўшиб келмоқда”, – дея ёзади И. Иргашев.

Оғир пандемия шароитида ҳам республикамиз Афғонистон билан чегарани ёпгани йўқ. Қўшни давлатга озиқ-овқат маҳсулотлари, ёқилғи, дори-дармон, тиббиёт анжомлари ва инсонпарварлик ёрдами мунтазам етказиб берилди. Қўшни мамлакатнинг ташқи дунё билан савдо-сотиқ алоқалари Ўзбекистон томонидан қуриб берилган Ҳайратон – Мазори Шариф темир йўл транспорт йўлаги орқали тўхтамай амалга оширилмоқда.

Мақолада айтлишича, Ўзбекистон томони Сурхон – Пули Хумри электр узатиш тармоғини Афғонистонда барпо этиш лойиҳасини амалга ошириш билан боғлиқ амалий ишларни бошлаб юборди. Унинг ҳаётга татбиқ этилиши Афғонистонни Марказий Осиёнинг ягона энергетика тизимига боғлаш имконини беради ҳамда “CАСА-1000” лойиҳасининг муҳим таркибий қисми сифатида минтақамиз электр энергиясини Покистон ҳамда Жанубий Осиё мамлакатларига етказиб беришга шароит туғилади.

“Афғонистон ҳукумати ва бошқа халқаро шериклар билан биргаликда Марказий ва Жанубий Осиёни боғловчи Мозори Шариф – Кобул – Пешовар йўналишида темир йўл қуриш лойиҳасини амалга оширишга тайёрмиз. Бу борада аниқ ва манзилли чоралар кўрилмоқда”, – дея маълум қилади И. Иргашев.

Унинг таъкидлашича, “Ўзбекистоннинг ягона мақсади – Афғонистонда тинчлик ўрнатиш, минтақавий хавфсизликни таъминлаш ва Марказий Осиё мамлакатларининг иқтисодий юксалиши учун зарур шарт-шароит яратишдир. Президентимиз таъбири билан айтадиган бўлсак, “хавф-хатарларнинг баъзи бирларини “ўзимизники”, бошқасини эса “бировники” деб ўйламасдан, бугун халқаро ҳамжамият бирлашиб, жафокаш Афғонистон халқига унинг тинчлиги ва тараққиёти йўлида ёрдам қўлини узатиши ҳар қачонгидан муҳимдир.

УЛАШИНГ:

Теглар:

Мавзуга доир:

Виза муддати ўтиб кетган афғонлар депортацияси ҳақида ИИВ баёнот берди

315 18:00 08.12.2021

ЮНИCEФ Афғонистон учун $2 млрд сўраяпти 

248 14:57 08.12.2021

Афғонистон: ўрмонларни ҳимоя қилиш учун ҳарбий бўлинма тузилди

302 09:39 08.12.2021

Абдулазиз Камилов: «Афғон халқига реал ёрдам кўрсатиш жуда муҳим»

264 14:43 07.12.2021

“Толибон” ташқарига олиб кетилган ҳарбий самолёт ва вертолётларни қайтаришни бошлади

993 13:36 06.12.2021

Кобулда Германия элчихонаси қайта очилиши мумкин

222 09:10 06.12.2021
« Орқага