Air Canada ходими муслима қизни рўмолини ечишга мажбурлади

08:35 08.08.2019 1971

Канаданинг Air Canada авиакомпанияси ходими хавфсизликни рўкач қилган ҳолда 12 ёшли муслима қизни рўмолини ечишга мажбурлади.

Маҳаллий ОАВ хабарига кўра, ҳодиса 1 август куни Фотима Абдулраҳмон ҳам аъзоси бўлган сквош бўйича АҚШ терма жамоаси Торонта – Сан-Франциско рейсига рўйхатдан ўтаётган пайтда юз берган.

«Киришдаги киши мендан рўмолимни ечишни сўради, ваҳоланки, хавфсизлик хизмати ходимлари мени текширган ва уларга паспортимни кўрсатган эдим», – деди Фотима журналистлар билан суҳбатда.

Авиамкомпания ходими талаб қилавергач, муслима қиз рўмолини ечиши учун ёпиқ хонага олиб борилиши сўраган, бунга жавобан эса бир бурчакка қистирилиб, рўмолини зудлик билан ечишга мажбурланган. 

Фотиманинг опаси Сабрин бу ҳақда ижтимоий тармоқда ёзгач, ҳодиса қизғин муҳокамаларга сабаб бўлди.

Air Canada авиакомпанияси ҳодиса бўйича баёнот тарқатиб, узр сўради.

Azon.uz янгиликларини Telegram'да ҳам кузатиб боринг!