Нью-Йоркдаги машҳур Метрополитен музейида Амир Темурнинг набираси Иброҳим Султон кўчирган Қуръони Карим намойиш этилмоқда.
Икки жилддан иборат мазкур нусхага 1427 йилнинг июнь санаси қўйилган. Эрон ҳукмдори бўлган Иброҳим Султон камида бешта Қуръони Карим нусхасини кўчиргани айтилади. Метрополитен музейининг расмий сайтида ёзилишича, Амир Темурнинг набираси кўчирган Қуръонни 1913 йилда Александр Смит Кокран исмли филатроп музейга совға қилган.
Иброҳим Султон илм-фан ва маданиятга ҳомийлик қилган, Шерозда темурийлар даврининг энг йирик кутубхоналаридан бирини ташкил этган. Унинг номи хаттотлик санъати соҳасидаги қолдирган асарлари боис сулс хатининг устозлари қаторида қадрланади. У 1435 йилда 42 ёшда вафот этган.
