АҚШ Афғонистондаги стратегиясини ўзгартирмайди

22:30 11.07.2018 214

АҚШ ҳукумати Афғонистондаги вазиятни барқарорлаштириш бўйича ҳарбий-сиёсий стратегиясининг асосий унсурларини буткул қайта кўриб чиқиб ниятида эмас. Бу ҳақда Оқ уй Миллий хавфсизлик кенгашининг исми ошкор этилмаган расмий вакили ТАССга маълум қилди.

Аввалроқ Reuters агентлиги АҚШ Афғонистондаги стратегиясини ўзгартирмоқчи экани ҳақида хабар тарқатган эди.

“Биз ўз стратегияларимизни мунтазам равишда таҳлил қиламиз, уларнинг самарадорлигини ўрганамиз, зарур тузатишларни киритамиз. Бироқ ўтган йилнинг ёзида бўлгани каби ҳарбий-сиёсий стратегиямизнинг асосий унсурларини буткул қайта кўриб чиқмоқчи эмасмиз”, – деди МХК вакили.

АҚШ Афғонистонда 2001 йилнинг октябридан бери операция олиб боради, бу эса, Пентагон маълумотига кўра, 680 миллиард долларга тушди. Ўтган вақт давомида 2,3 минг америкалик ҳарбий ҳалок бўлди, 20 мингдан ортиғи яраланди.

Azon.uz янгиликларини Telegram'да ҳам кузатиб боринг!