Telegram каналимизга аъзо бўлинг
Янгиликлар

АҚШ: Байден хурсанд, Трамп эса судлашмоқчи

2435

АҚШда 3 ноябрь куни бўлиб ўтган президент сайлови натижаси ниҳоят маълум бўлди: Жо Байден келаси йилнинг 20 январидан эътиборан мамлакатнинг 46-президенти сифатида иш бошлайди. 

36 йил сенаторлик қилган ва президент Барак Обама маъмуриятида саккиз йил вице-президент бўлиб ишлаган Жо Байден кескин курашлар остида кечган сайловдан тўрт кун ўтиб ғалаба қозонди. У президент бўлиш учун Сайлов коллегиясидаги 538 овоздан камида 270 тасини қўлга киритиши керак эди, пировардида қарийб 300 овоз йиғишни уддалади. 

Сайловда ютгани ҳақида хабарлар чиқиши ортидан Байден Твиттер орқали бу янгиликка муносабат билдириб, “Мамлакатга етакчилик қилиш учун мени танлаганингиздан фахрланаман”, – деб ёзди.

Байден инаугурациягача маъмуриятнинг янгиланиш жараёнига бошчилик қилади. Вазирлар ва турли агентликларга раҳбарлар танлаш билан банд бўлади, шунингдек, Оқ уйдаги биринчи 100 кунда нималар қилиниши лозимлиги устида бош қотиради.

Амалдаги давлат раҳбари Дональд Трамп эса сўнгги 40 йил ичида иккинчи муддат учун кечган сайловда мағлуб бўлган учинчи президент бўлди. Трамп келгуси ҳафтада сайлов натижалари устидан судга мурожаат қилмоқчи. Унинг фикрича, сайлов ҳали тугагани йўқ. 

УЛАШИНГ:

Теглар:

Мавзуга доир:

Россияда қолиб кетган ҳамюртларимиз учун махсус поезд қатновлари амалга оширилади

48 12:08 06.12.2021

“Спутник” билан эмланганлар Саудия Арабистонига кира олади

173 11:30 06.12.2021

Хитой раҳбари динларни хитойлаштиришга чақирди

1205 10:03 06.12.2021

Исломофобия: Кипрдаги масжидга ҳужум уюштирилди

270 09:35 06.12.2021

Кобулда Германия элчихонаси қайта очилиши мумкин

163 09:10 06.12.2021

Тарихда бугун: Ҳиндистонда “Бобур” масжиди бузиб ташланди

882 08:05 06.12.2021
« Орқага