АҚШда 7-10 июль кунлари фуқаролари ўртасида сўровнома ўтказилди. 

АҚШ фуқаролари ўзларини қурол билан хавфсиз ҳис қилмоқда. Чунки Давлатлар Конвенцияси ҳаракатининг миллий сўрови натижаларига кўра, респондентларнинг 40 фоиздан ортиғи аҳолини оммавий отишмалардан ҳимоя қилишнинг энг яхши йўли ҳуқуқ-тартибот идоралари эмас, балки қуролланган АҚШ фуқаролари, деб ҳисоблайди.

«Оммавий отишма содир бўлган тақдирда сизни ва оилангизни нима энг яхши ҳимоя қилади, деб ўйлайсиз?» деган саволга респондентларнинг 41,8 фоизи «қуролланган фуқаролар» деб жавоб берган. 25,1 фоизи ҳуқуқ-тартибот идораларини афзал кўрган. 10,3 % федерал агентлар учун овоз берган. 22,8 % юқоридаги вариантлардан ҳеч бири уларни ҳимоя қилмаслигини айтган.

«Маҳаллий ҳуқуқ-тартибот идоралари ва ҳукумат амалдорлари зўравон шахсни оммавий отишма бошлашдан олдин аниқлаб, тўхтата олишига қанчалик ишонасиз?» деган саволга эса респондентларнинг катта қисми (62,2%) ушбу органлар зўравонни тўхтатишга ишончи комил эмаслигини маълум қилган. Уларнинг 26,9 фоизи ҳуқуқни муҳофаза қилиш органларига умуман ишонмаслигини айтган. 37,9 фоизи полиция ҳаракатларига ишонч билдирган.