АҚШ собиқ давлат котиби Генри Киссинжернинг айтишича, дунёдаги энг йирик икки иқтисодиёт – АҚШ ва Хитой глобал тинчлик учун тўғридан-тўғри қарама-қаршиликка киришиши тўғри эмас.
Давосдаги Жаҳон Иқтисодий форумида сўзлаган 98 ёшли Киссинжер “АҚШ Хитой билан тўғридан-тўғри қарама-қаршиликдан қочиши, Тайван Хитой ва АҚШ ўртасидаги музокаралар марказида бўлмаслиги керак", деди.
Кекса сиёсатчига кўра, АҚШ ва Хитойни келишиб олишлари мумкин бўлган мавзуларга эътибор қаратиши лозим, АҚШ ва Хитой ўзларининг душманлик муносабатларини юмшатишлари дунё тинчлиги учун муҳим.
Генри Киссинжер 1969 йилдан 1975 йилгача Президентнинг хавфсизлик бўйича маслаҳатчиси, 1973 йилдан 1977 йилгача президентлар Жеральд Форд ва Ричард Никсон даврида Давлат котиби лавозимларида ишлаган.
Аввалроқ АҚШ президенти Жо Байден, агар Хитой оролга бостириб киришга уринса, АҚШ Тайванни ҳимоя қилишга тайёрлигини айтган эди.
