АҚШ Давлат департаменти Саудия Арабистонидаги Ҳарбий тайёргарлик миссияси муддатини яна беш йилга чўзиш ҳақида қарор қабул қилди.
АҚШнинг Хавфсизлик ва мудофаа бўйича ҳамкорлик агентлиги маълумотига кўра, техник кўмак ва америкалик экспертларнинг маслаҳат хизматлари эвазига Риёз Вашингтонга 350 миллион доллар тўлаб беради. Бу пуллар америкалик ҳарбийларнинг маоши, мукофот пуллари, уй ижараси ва фарзандларини ўқитиш харажатлари учун сарфланади.
Саудия Арабистонидаги Ҳарбий тайёргарлик миссиясининг муддатини чўзиш ҳақидаги қарор АҚШ Конгрессининг тегишли қўмиталарига киритилди. Агар Қуролли кучлар ва Ташқи алоқалар қўмиталари қарорга 30 кун ичида норозилик билдирмаса, у кучга киради.
