Назм

Ашуро куни

1500

Ердан самогача савоб бўлади,
Мункар-Накирларга жавоб бўлади,
Бошдан оёққача нурга тўлади,
Имкон борми, ёддан чиқарманг буни,
Рўза тутинг, муборак – Ашуро куни.

Иблиснинг қомати етти букилгай,
Тоғдек гуноҳлар ҳам дув-дув тўкилгай,
Малаклар тарафдан салом ўқилгай,
Имкон борми, ёддан чиқарманг буни,
Рўза тутинг, муборак – Ашуро куни.

Эзилган қалбларга дармон бўлади,
Маҳшарда дўзахга қалқон бўлади,
Фирдавс жаннатига сарбон бўлади,
Имкон борми, ёддан чиқарманг буни,
Рўза тутинг, муборак – Ашуро куни.

Рўза руҳиятни сайқал этади,
Ҳар битта яхшилик Ҳаққа етади,
Кўз очиб-юмгунча ўтиб-кетади,
Имкон борми, ёддан чиқарманг буни,
Рўза тутинг, муборак – Ашуро куни.

Саҳардан шомгача раҳмат бўлади,
Ҳурларнинг қўлида шарбат бўлади,
Энг олий мукофот – жаннат бўлади,
Имкон борми, ёддан чиқарманг буни,
Рўза тутинг, муборак – Ашуро куни.

Рўза – руҳ шифоси, тиғсиз даводир,
Савобдан мосуво шаксиз, гадодир,
«Очлик – иллат» демоқ, айни хатодир,
Имкон борми, ёддан чиқарманг буни,
Рўза тутинг, муборак – Ашуро куни.

Эркин ҚУДРАТОВ,
Мир Араб ўрта махсус ислом
билим юрти мударриси

УЛАШИНГ:

Теглар:

Мавзуга доир:

Ашуро куни оиласига кенгчилик қилиб бериш

4066 08:55 08.09.2019

Ашуро кунининг фазилати ва аҳкомлари

1855 08:35 07.09.2019

Ашуро қайси кунга тўғри келади?

2573 18:35 06.09.2019

Ашуро қайси кунга тўғри келади?

2307 12:20 28.09.2017
« Орқага