Telegram каналимизга аъзо бўлинг
Янгиликлар

Автомобиль ювиш мумкин эмас — Францияда сув истеъмоли чекланди

577

Францияда жазирама ва сайёҳлик мавсумининг қизғин даврида сувдан фойдаланишга чекловлар жорий этилди 

Мамлакатда қурғоқчилик хавфи эълон қилинди. Бироқ ҳар бир минтақада вазият барқарор бўлмагани боис кўрилаётган чора-тадбирлар ҳам ҳар хил.

Мисол учун, Лионда майсазорларни суғориш ёки машина ювиш мумкин эмас. Қоидабузарлар жаримага тортилиши мумкин.

Қурғоқчиликнинг кўрсаткичларидан бири сув омборларидаги сув сатҳининг пасайишидир. Савойдаги Анси кўли ёз бошидан бери 33 сантиметрга пасайган. Ҳозирча бу ҳолат ўсимлик ва ҳайвонот дунёсига таъсир кўрсатмади. Аммо одамлар аллақачон муаммоларга дуч келишмоқда, айниқса сув транспортида.

Сув танқислиги Европанинг кўплаб мамлакатлари учун жиддий муаммога айланмоқда. Венгрияда метеорологлар 1901 йилдан бери, яъни бир асрдан кўпроқ вақт ичида энг қуруқ етти ойни қайд этишди. Сув хўжалиги бош бошқармаси маълумотларига кўра, жорий йилда ёғингарчиликнинг ўртача миқдорининг атиги ярми тушган.

Буюк Британияда жазирама қишлоқ хўжалигида муаммоларни келтириб чиқарди. Деҳқонлар чорва учун кўк майса қолмагани, экинларни суғориш учун сув етишмаётганини маълум қилди.

Расмийлар сув истеъмолини чеклаётган бир пайтда, экологлар ботқоқларни тиклашни таклиф қилмоқда. Мутахассисларнинг фикрича, бу чора қурғоқчиликка қарши узоқ муддатли кураш учун етарли миқдорда намлик тўплаш имконини беради.

УЛАШИНГ:

Теглар:

Мавзуга доир:

Украинанинг Испаниядаги элчихонасидаги портлашдан кейин посилкалардан яна бир нечта бомба топилди

264 21:04 01.12.2022

Нима учун муслима аёлларга ғайридин эркакка турмушга чиқиш тақиқланган?

772 20:00 01.12.2022

Павел Фелгенгауер: «Қозоқлар ва қирғизлар ҳеч қачон Ереван тарафида туриб Бокуга қарши жанг қилмайди»

665 19:00 01.12.2022

«Арманистон Қорабоғни Озарбайжоннинг бир қисми деб тан олди» — Россия ТИВ вазири Лавров

571 18:10 01.12.2022

Россиянинг Украинадаги жиноятлари текшириш бўйича трибунал иш бошлайди 

263 17:28 01.12.2022

Пентагон Қатарга дронларга қарши илғор мудофа тизимини сотади

231 16:30 01.12.2022
« Орқага