Telegram каналимизга аъзо бўлинг
Илм

Аёллар ҳақида

5423

Кейинги пайтларда аёлнинг юзи, қўли ва овози ҳам авратлиги, кўчага чиқмай, номаҳрамларга кўринмай уйда ўтириши шартлиги борасида менга танбеҳлар, ақл ўргатишлар, ҳатто эркаклик нафсониятимга тегадиган гаплар ҳам кўп бўляпти.

Кимлардир менга рашк фанидан дарс беришга ҳам уриниб кўряпти.

Шу қадарки, мусулмонларга аралашишдан безиб қолиш даражасига бориб қоляпман. Бургага аччиқ қилиб, кўрпани куйдириб қўйишдан чўчиётганим учунгина парво қилмасликка ҳаракат қиляпман.

Бир оғиз гапим билан рафиқам ҳамма ишини йиғиштириб, уйда ўтиришига шубҳам йўқ. Лекин гап шундаки, шу иш тўғри бўладими?

Шу масалага очиқ кўз билан бир қарайлик-чи.

Аввало, аёлнинг юзи, қўли ва овози аврат деган гап ҳам, аврат эмас деган ҳам бор. Ўқиб-ўрганганларимга асосланган ҳолда аврат эмас, деган гап кучлироқ эканига шубҳа қилмайман.

Бундан ташқари:

* Исломга муҳаббати бор қиз-аёлларнинг беш фоизигина юзи, қўлини ҳам беркитиб, уйдан кўчага чиқмай ўтиришни маъқул кўра олади, холос. Қолган тўқсон беш фоизи эса бу ишни ўта оғир юк, деб билади ва шунинг учун ўта тақводор мусулмонлардан ўзини олиб қочиброқ юраверади.

Биз эса уларни ҳеч қачон ҳисобга олмаймиз. Исломни фақат хосларнинг хосларигина унга амал қила оладиган қилиб кўрсатамиз. "Жаннатга кириш осон эмас", деган ўта чуқур маъноли иборани энг тубан маънода, яъни, ўзимизни шу ишни қойиллатаётгандек қилиб кўрсатиш маъносида ишлатамиз.

Шариат рухсат берган ишни тақиқлаш орқали жуда кўп қиз-аёлларни Исломдан бездираётганимизни ва бу ишимиз кечириб бўлмас жиноят эканини ҳис этмаймиз, тан ҳам олмаймиз.

* Исломга муҳаббати бор қиз-аёлларнинг тўқсон беш фоизи ўқишга, олий маълумотли, зиёли бўлишга қизиқади. Шундан келиб чиқиб, ҳамма учун енгил бўлган шариатдан ҳам юз ўгирадилар. Чунки ўша хосларнинг хослари уларга шариатнинг енгил тарафларини эмас, ўзлари маъқул кўрган оғир тарафларинигина гапирадилар.

Азизлар, беш фоизгина ўта тақводор аёлларимизни қолган тўқсон беш фоиз тақводор аёлларимизга қарама-қарши қўймайлик. Ҳар иккиси ҳам тақводор. Бирининг ўраниш борасидаги тақвоси кучлироқ бўлса, бошқасининг дин ғамини ейиш борасидаги тақвоси кучлироқ бўлиши мумкин.

Ақлни, урф-одатни, шахсий истакни шариатдан юқори қўйиш ҳалокатга олиб боради.

Модомики, ҳар иккиси ҳам шариат чегарасидан чиқмаётган экан, шунинг ўзи етарли эмасми?

Муқим МАҲМУД

УЛАШИНГ:

Теглар:

Мавзуга доир:

Қримда муслима аёл «Йилнинг жамоат арбоби» деб тан олинди

412 08:05 26.11.2021

АҚШ: талабалар «ҳижобда бир кун» акциясида иштирок этишди

1193 14:06 25.11.2021

Мигрантлар инқирози: Польша – Беларус чегарасида вазият ҳамон оғир 

359 10:00 23.11.2021

Истанбул сафари таассуротлари: “Шаҳид аскар бевасининг матонати...”

2076 23:30 18.11.2021

Аёл уй бекаси, зиндонбанд эмас...

928 12:05 16.11.2021

Рўмолли аёлларга ҳурмат кўрсатишга ундовчи кампанияга Франция қарши чиқди

979 13:42 04.11.2021
« Орқага