«Azon-Viktorina» мусобақаси ғолиблари тақдирланди!

Ассалому алайкум ҳурматли Azon.uz сайти мухлислари!

Куни-кеча Azon.uz ахборот таҳлилий портали “Қамар” китоблар дўкони билан ҳамкорликда мусулмонларнинг илмий салоҳияти ҳамда динимиз аҳкомларини ўрганишга бўлган иштиёқини ошириш мақсадида ташкил қилган “Azon-Viktorina“ савол-жавоблар мусобақаси ўз ниҳоясига етди.

Танлов кутганимиздан кўра анча кўпроқ мухлисларни жалб этди. Викторинанинг 15 тури давомида жами 509 нафар иштирокчи қатнашди. Қатнашчиларнинг 10 нафари мукофотларга сазовор бўлди. Мукофотлар “Қамар” китоблар дўконида Устоз Мубашшир Аҳмад домла томонидан топширилди.

Ушбу мусобақада фаол қатнашган барча биродарларимизга ўз миннатдорчилигимизни изҳор қиламиз. Мусобақа давомида биз томонимиздан ўтган хато ва камчиликларни афв этгайсиз, ютуқларимиз учун Аллоҳга ҳамд айтамиз!

Инша Аллоҳ бундан кейинги мусобақаларда ҳам фаол қатнашишлик барчамизга насиб қилсин, асосийси Роббимиз олдидаги имтиҳонда юзларимиз ёруғ бўлсин!