БААда коронавирусга чалинганлар сони ортиб бораётган бир пайтда Россияда ишлаб чиқарилган вакцинани синашнинг учинчи босқичи бошланмоқда.
The New Arab нашрининг хабар беришича, 500 нафар кўнгиллида йигирма кунлик оралиқ билан икки доза Sputnik V вакцинаси синаб кўрилади. Россия ушбу вакцина самарадорлиги 95 фоиз эканилиги айтган.
Бундан ташқари БААда Хитойнинг Sinopharm компанияси чиқарган вакцинани синашнинг учинчи босқичига ўтилади.
Дубай амирлигида ўтган ойда Pfizer / BioNTech вакцинасини қўллашга рухсат берилган эди.
БААга шу пайтгача 800 минг дозадан кўпроқ вакцина келтирилган. Ҳукумат тўққиз миллион аҳолининг ярмини 2021 йилнинг биринчи чорагида эмлаб бўлишни режалаштирган.
Мазкур мамлакатда коронавирусга чалинганлар сони 219 мингга яқинлашди.
