Ироқ Ички ишлар вазирлиги матбуот котиби Холид Миҳанна маҳаллий телеканаллардан бирига берган интервьюсида кеча пойтахт Бағдодда рўй берган терактда ИШИДнинг қўли борлигини айтди. 

“Ўз зиммасига олмаса-да, портлашнинг ортида ИШИД бор. Бу портлаш билан ИШИД ҳали ҳам борлигини билдириб қўймоқчи бўлди”, – деди у. 

Бағдоднинг Тайёрон майдонидаги буюм бозорида икки худкушнинг ўзини портлатиб юбориши оқибатида 32 киши ҳалок бўлган, 110 киши яраланган.

Президент Барҳом Солиҳ ушбу терактни мамлакатнинг тинчлик-барқарорлигига ва халқнинг келажагига нисбатан ҳужум деб атади.  

Теракт ортидан Ироқ хавфсизлик хизматларининг айрим раҳбарлари ишдан олинган.