Ёқиб юборилган полиция фургони, синдирилган дўкон ойналари ва ахлат қутиларидан ясалган тўсиқлар – якшанбага ўтар кечаси Барселона яна тартибсизликлар майдонига айланди.

Твиттер  ва Ютубдаги клипда терроризмни улуғлаганлиги ва қиролни ҳақорат қилгани учун тўққиз ойга озодликдан маҳрум қилинган репер Пабло Асел қамоққа олинганидан ўн бир кун ўтиб, Каталонияда тартибсизликлар давом этмоқда. Биргина кеча тунда ўғирлик ва бузғунчилик учун 13 киши ҳибсга олинган, шу жумладан полиция микроавтобусига ёнувчи бутилка улоқтирилган. Беш киши жароҳат олган.

Умуман олганда, тартибсизликлар бошланган феврал ойининг ўрталарида 110 дан ортиқ намойишчилар ҳибсга олинган. Намойишлар аввал Испаниянинг аксарият йирик шаҳарлари - Мадрид, Валенсия, Гренадани қамраб олди, аммо сўнгги кунларда улар Барселонада тўпланишди.

Шанба куни кечқурун тўқнашувларга айланиб кетган юриш тинч йўл билан бошланди. Бир неча юз киши Барселона кўчаларига чиқишди, улар нафақат Пабло Аселни озод қилиш, балки сўз эркинлиги учун жиноий жазо бермаслик, аҳолини ижтимоий қўллаб-қувватлашни талаб қилганлар.

Испания ҳукумати раҳбари Педро Санчес Каталония пойтахтидаги ҳодисани қоралади. "Бузғунчилик ва зўравонлик ҳаракатлари ... бўлиши мумкин эмас", деб ёзган у ҳуқуқни муҳофаза қилиш органлари ходимларини қўллаб-қувватлашини билдирган ҳолда твиттерда.

Ўзининг композицияларида сўл қанот радикал қарашлари билан танилган 32 ёшли репер собиқ қирол Хуан Карлосни "мафиози" деб атаган ва Испания полициясини намойишчилар, ноқонуний муҳожирларни ўлдиришда ва қийноққа солишда айблаган.