Бельгиянинг Моленбек шаҳрида бошланғич синф ўқитувчиларидан бири Франциянинг “Шарли Эбдо” нашрида чоп этилган ва Муҳаммад алайҳиссалом таҳқирлаб чизилган карикатурани ўқувчиларга кўрсатгани учун вақтинчалик ишдан олинди. 

“Евроньюс” хабарига кўра, ота-оналар карикатура бўйича ўқитувчининг устидан шикоят қилган, чунки карикатурани чизган рассом оламларга раҳмат пайғамбари бўлмиш Муҳаммад соллаллоҳу алайҳи васалламни уятли тарзда тасвирлашга журъат этган. Ўқитувчига қандай жазо тайинланиши келгуси ҳафтада маълум бўлади. 

Моленбек ҳокимлигининг билдиришича, “карикатурада пайғамбардан бошқа одам тасвирланган тақдирда ҳам, худди шундай йўл тутилган бўлар эди”. 

Франциянинг Тулуза шаҳри архиепископи Роберт Ле Галль Муҳаммад алайҳиссалом таҳқирлаб чизилган карикатураларга қарши чиқар экан, сўз эркинлигининг чегараси борлигини таъкидлади. 

“Бу ҳам мусулмонлар, ҳам насронийларнинг камситилишидир. Уларни (карикатураларни) тарқатишни бас қилиш керак. Биз бунинг натижасини кўряпмиз, – деди у France Bleu радиосига берган интервьюсида. – Сўз эркинлигининг чегаралари бор ва биз динни ҳақорат қилиш ҳуқуқига эга эмаслигимизни тушунишимиз зарур”.