Telegram каналимизга аъзо бўлинг
Таҳлил

Бир кун жанжал чиққан уйдан... Ёхуд уч ойда 4 миллиард доллар зарар – Ливия

730

Тинчлик ва хавфсизлик

Ливиядаги умумий вазият "жуда беқарор"лигича қолмоқда. Бу ҳақда БМТ бош котибининг Африка бўйича ёрдамчиси Марта Поби кеча, 25 июль куни Хавфсизлик кенгашидаги чиқишида айтди.

Охирги ойларда эришилган ютуқларга қарамай, бутун мамлакатда конституциявий ва сиёсий боши берк кўча қолмоқда, дейди у. Триполи ва унинг атрофида қуролли тўқнашувлар кучаймоқда.

“Иқтисодий вазият оғирлигича қолмоқда. Биз ливияликларнинг сайлов масаласи бўйича эришилмагани ва давлат хизматлари сифати пастлигидан ҳафсаласи пир бўлган намойишларни кўрдик. Бундан ташқари, мамлакатдаги инсон ҳуқуқлари билан боғлиқ вазият БМТ ходимларини жиддий ташвишга солмоқда” , деди Марта Поби.

"Халқнинг чақириғига қулоқ солинг"

Июль ойи бошида Ливиянинг қатор шаҳарларида кўчаларга чиққан намойишчилар сиёсий келишмовчиликлар ва турмуш шароити ёмонлашганидан норозилигини билдирган эди. Улар муддатидан олдин сайлов ўтказиш ва ички муаммолар, жумладан, электр энергияси, ёқилғи тақчиллиги каби муаммоларни ҳал қилишни талаб қилишган. Мамлакат жануби-шарқидаги Тобрук шаҳрида намойишчилар маҳаллий парламент биносига бостириб кирди. 

“Биз Ливия сиёсий раҳбарларини ўз халқининг чақириқларига қулоқ солишга ва масъулиятли хатти-ҳаракатларни намойиш этишга чақирамиз”, деди Марта Поби.  

Айни пайтда халқаро тан олинган ҳукумат назорати остидаги мамлакат ғарбида жанглар яна авж олди. 

“Биз Триполида 21 июлга ўтар кечаси содир бўлган қуролли тўқнашувлар ва 23 июль куни Мисратадаги тўқнашувлардан чуқур хавотирдамиз, камига тинч аҳоли орасида қурбонлар сони ҳали тасдиқланмаган”, — деди БМТ раҳбари ўринбосари. 

Миллиардлаб фойда йўқотди

Марта Поби Миллий нефт корпорацияси раҳбариятида давом этаётган бўлинишлардан хавотирда эканлигини билдирди. 16 апрелдан бери Ливия нефт экспорти учдан иккига қисқарди ва бу мамлакатни тўрт миллиард доллар даромаддан маҳрум қилди. 

12 июль куни БМТ ва халқаро миқёсда қўллаб-қувватланган муваққат бош вазир Абдулҳамид ал-Дибайба Ливия Марказий банкининг собиқ раҳбарини Миллий нефт корпорациясининг янги раиси этиб тайинлади, шундан сўнг нефт экспорти қайта тикланди. 

Марта Побининг сўзларига кўра, Ливияда нефт қазиб олиш тўлиқ қувватга қайтадими ёки бу келажакда экспорт ҳажмига қандай таъсир қилиши ҳақида башорат қилишга ҳали эрта. БМТ Бош котиби ёрдамчиси корпорация нейтрал ва ҳар қандай сиёсий босимдан холи бўлиши кераклигини таъкидлади.

УЛАШИНГ:

Теглар:

Мавзуга доир:

Марказий Осиё давлатларининг интеграцияси. Минтақа мустақил геосиёсий бирликка айланиши керак

616 21:45 03.02.2023

Агар адолат ўлса... 

733 19:45 03.02.2023

Исроил АҚШ ва Европа давлатлари босими остида Украинага қурол берадими? 

548 18:05 03.02.2023

Исроил молия вазири Фаластин пулларини мусодара қилди

697 16:20 03.02.2023

АҚШ осмонида разведка шари учиб юрибди

1059 15:05 03.02.2023

Коинотда рамазон ойи: «космос султони» орбитада рўза тутиш ниятида

949 14:20 03.02.2023
« Орқага