Янгиликлар

«Биз билмагандик, кутмагандик!» ёхуд «Бизни шундай тарбиялашди!»

1918

Кеча таниқли блогерлардан Нозим Сафарий Диалог лойиҳасида “Андижонда туғилишни истаган хоразмлик қиз” билан суҳбатлашиб, ютуб каналига жойлади. Суҳбат давомида блогер ўз ҳайратини суҳбатдошининг машҳур “биз билгандик, кутгандик” иборасини қўллаяроқ, “Биз билмагандик, кутмагандик” дея ифодалади.

Биз билгандик, яъни айб фақат шу қизнинг ўзида эмаслигини билгандик. Айни шу ҳақда “Андижонда туғилишни орзу қилган қиз ёхуд маддоҳлик синдироми” мақоласини ҳам эълон қилгандик.  Адашмаган эканмиз, у қиз ҳам биз шуни айтибди – айб фақат унда эмас!

"Бизни шундай тарбиялашди!".

Бу “камолотчи” қизимизнинг биз катталарга даъвоси, таънаси.

Бу замон яхшиликларидан тўлиқ баҳраманд бўлган, ҳаётни фақат оқ рангда кўрган ва минбарларнинг тўри берилган, ҳамда олқишларга кўмилган қизнинг нидоси (қизнинг ўзи ишлатган иборалар).

Бу ёқда ҳали миллионлаб яхши емаган-ичмаган, сифатли таълим олмаган, газ-электрни тансиқ матоҳ биладиган ва дини-қадриятларидан узоқ тутилган бутун бошли "йўқотилган авлод" турибди. Улар шундай даъво қилмасин! Улар таъна қилмасин! Ёмон бўлади, жуда оғриқли бўлади.

Ҳамма хато ва муаммо елкамизда. Биз катталар тезроқ ўнгланайлик. Ечим қўлимизда. Бошланғич нуқтани ҳам, борар натижани ҳам биламиз. Бизни аввалгиларимизни юксалтирган нарса юксалтиради. Динимиз ва ўтмиш қадриятларимиз бизни қутқаради. Ўзимиз ва авлодларимизни алдамайлик. Бўлмаса қолганлар ҳам "Бизни шундай тарбиялашди", дея хато-нуқсонларини бизга ағдаради. Унда кеч бўлади. Айниқса, охиратда.

 

Мубашшир Аҳмад

УЛАШИНГ:

Теглар:

Мавзуга доир:

Фарзанд тарбиясининг замонавий усуллари

612 17:35 03.02.2020

«Ҳаётимни ўзбекларсиз тасаввур қилолмайман»

1865 16:40 18.01.2020

Олимлар билан ҳамсуҳбат бўлишнинг 6 фазилати

940 07:20 11.01.2020

Аллоҳнинг Расули нега хоинликни кечирган эдилар?

1405 08:40 10.01.2020

“Сен билан фархланаман!”

1055 09:20 08.01.2020

Рухсат сўрашнинг ҳам одоби бор

747 12:05 31.12.2019
« Орқага