Таҳлил

Бизга Билоллар керак!

2035

Яқинда Туркия сайтларида тарқалган бир видео кўпчилик турклар томонидан олқишланди: Истанбул шаҳрига Франциядан келган кўча мусиқачиларининг гуруҳи шаҳарнинг машҳур Истиқлол кўчасида концерт қўяётган пайт азон янграб қолди. Азонни эшитган мусиқачилар дарҳол чолғу чалишдан тўхтади, азонга ишора қилган ҳолда томошабинларни ҳам сукут сақлашга ундади. Балки улар мусиқасини давом эттираверганида, ажнабийлиги учун ҳеч ким эътироз билдирмаган бўларди, лекин францияликлар динга ҳурмат кўрсатишни маъқул кўрди. Ҳурмат қилсанг – ҳурмат кўрасан, деб бекорга айтишмайди, ахир.   

Куни кеча эса ижтимоий тармоқларда Тошкент шаҳридаги масжидларнинг бирида азон бўйича намозхонлар билан жанжаллашган аёлнинг видеоси тарқалди. Кўриниб турибдики, аёл энг камида масжид одобларидан бехабар. Шунинг учун ҳам унинг азон овозини пасайтириш ҳақидаги талаби эмас, балки ўзини тутиши кўпроқ муҳокамаларга сабаб бўлди. Зеро, Аллоҳнинг байти – жанжал кўтарадиган жой эмас.

Айни пайтда бу ҳолат Ислом шиорларини гўзал ва чиройли тарзда оммага етказишни қанчалик уддалаяпмиз деган саволга туртки берди. Чунки ижтимоий тармоқлардаги шарҳларнинг кўпчилик қисмида масжидлардаги муаззинларда тажвид ва чиройли овознинг етишмаслиги айтилмоқда. Демак, бу борада муаммо мавжуд. Ечими эса қийин эмас – ёқимли овоз соҳибларидан муаззинлар етиштириш. Бунинг учун қисқа муддатли курслар ташкил этиш, муаззин бўлишни истаганларни ва ҳозирда муаззинлик қилаётганларни ана шу курсларда ўқитиш кифоя. Яъни бу аслида мураккаб масала эмас.

Пайғамбаримиз алайҳиссалом бекорга азон айтишни Билол розияллоҳу анҳуга топширмаганлар. Ўша машҳур ҳадисни эсласак, Пайғамбаримиз алайҳиссалом Абдуллоҳ ибн Зайдга азон жумлаларини ҳазрати Билол розияллоҳу анҳуга ўргатишни, чунки у зотнинг овози баланд ва ширалироқ эканини айтадилар.

Биз минораларимиздан яна азон янграшини узоқ кутдик. Энди азонларимиз шундай гўзал янграсинки, ҳатто тош қалбларни ҳам эрита олсин.

Убайдуллоҳ Адҳамов

УЛАШИНГ:

Теглар:

Мавзуга доир:

Нидерландияда азоннинг овоз кучайтиргич орқали чақирилишига йўл қўйилмади

553 12:00 10.11.2019

Мусулмонлар идораси “азонни овоз кучайтиргичда айтиш тўхтатилди”, деган хабар юзасидан баёнот берди

4249 20:17 31.10.2019

Голландия пойтахтидаги масжидда азон «микрофонда чақирилади»

472 15:00 15.10.2019

Нима учун муаззинлар тайёрланмайди?

865 19:55 14.08.2019

Наҳотки, шундай муаззинларни етиштириш имконсиз иш бўлса?

1073 10:01 14.08.2019
« Орқага