Таҳлил

Бизга “прописка” керакми?

2227

Жаҳон банки тадқиқотчиси Уильям Сеиз ўтказган тадқиқот бўйича, Ўзбекистон ички миграция даражаси бўйича жаҳонда энг қуйи ўринларда туради. Мамлакатдаги урбанизация кўрсаткичларида 2009 йилдан буён турғунлик кузатилмоқда, дейилади унинг тадқиқотида.

Тадқиқотчи “прописка” режими ва шаҳарда яшаш харажатларининг қишлоқ ҳудудларга нисбатан анча юқорилиги ички миграцияга тўсиқ бўлаётган айтиб ўтган.

Тошкентда яшаш харажатлари Ўзбекистон бўйича ўртача кўрсаткичдан 5,5 баробарга кўп. Бу эса қишлоқларда яшаётган деярли барча фуқароларнинг пойтахтда ҳаёт кечиришга қурби етмаслигини билдиради.

2018 йилда Тошкент шаҳридаги ўртача маош миқдори қишлоқ жойлардаги ўртача ойликдан 88 фоизга, республика миқёсидаги ўртача маошдан 61 фоизга юқорироқ бўлган.

Сўровлар натижасига кўра, аҳолининг тахминан 90 фоизи – барча регистрацион чекловларни бекор қилиш тарафдори.

Таъкидланишича, “прописка” режимини бекор қилиш билангина урбанизация фаоллашишига эришиб бўлмайди. Бунинг учун шаҳарларда арзон уй-жойлар қуриш суръатини ошириш керак.

Ўтказилган сўровлар ўзбекистонликларнинг 80 фоиздан кўпроғи бу фикрга қўшилишини кўрсатган.

Тадқиқотчининг фикрича, аҳолининг кўчиш суръатлари сустлиги мамлакатда меҳнат унумдорлиги ва бандлик даражаси ўсишига салбий таъсир қилади.

Жаҳон банкининг расмий сайтида эълон қилинган ҳужжат банкнинг «Қашшоқлик ва тенглик» глобал амалиёти доирасида ўтказилган бўлиб, ундаги маълумотлар Жаҳон банки ва Тараққиёт стратегияси маркази ҳамкорлигида 2018 йилдан буён ўтказиб келинаётган «Ўзбекистон фуқароларини тинглаш» сўрови натижаларига асосланган, деб ёзилади Уильям Сеизнинг тадқиқотларида.

Таҳририятдан: Ўтган йилнинг охирида “прописка” қилиш осонлашади ёки бекор қилинади, деган гаплар чиққан эди. Фуқароларимизнинг ўз юртидаги қийинчиликлари собиқ Иттифоқ сарқити бўлган “прописка” туфайли  яна қанча давом этади. Ҳукуматнинг ID карталар орқали фуқароларга енгиллик яратилади, прописка бекор қилинади ва фақат қайд қилиш амалиёти бўлади, деган ваъдалари тезроқ амалга ошса, минглаб, балки миллионлаб одамларнинг мушкули осон бўлар эди.

УЛАШИНГ:

Теглар:

Мавзуга доир:

Пандемия даврида Ўзбекистонга кириш ва чиқиш тартиби қандай?

135 20:19 11.08.2020

Мисрда таҳсил олаётган ўзбекистонлик талабалар ватанга олиб келинди

291 19:16 11.08.2020

Ниқобсиз ва жарималарсиз карантин. Корея бу билан нимага эришди?

525 18:11 11.08.2020

Президент инсон ҳуқуқларига оид фармон имзолади. Суд ва тергов тизимида ўзгаришлар бўладими?

154 17:20 11.08.2020

Польша Белоруссиядаги вазият сабабли ЕИ раҳбарлари саммитини чақиришни талаб қилди

176 16:45 11.08.2020

Араб қироллари Трампнинг қайта сайланишидан манфаатдор

287 16:15 11.08.2020
« Орқага