Янгиликлар

БМТнинг Сурияга гуманитар ёрдами тўхтаб қолиши мумкин

264

Агар Хавфсизлик Кенгашининг доимий аъзолари тил топиша олмаса, БМТнинг Сурияга трансчегаравий ёрдам миссияси иши тўхтаб қолиши мумкин. Миссиянинг мандати бугун кечқурун тугайди. 

Миссия мандатини чўзиш бўйича музокаралар 2019 йилнинг 20 декабридан бери давом этмоқда. Ўшанда БМТ Хавфсизлик Кенгашида Сурияга трансчегаравий ёрдам миссияси фаолиятини давом эттиришни кўзда тутган резолюцияга Россия ва Хитой вето қўйган эди. 

БМТ Бош котибининг матбуот котиби Стефан Дюжаррикнинг таъкидлашича, агар резолюция қабул қилинмаса, миллионлаб сурияликка ёрдам етказиш анча қийинлашади. 

БМТ Хавфсизлик Кенгашининг амалдаги резолюцияси 2014 йилда қабул қилинган бўлиб, Сурия ҳукуматининг рухсатини олмаган ҳолда Туркия, Ироқ ва Иордания чегарасидан сурияликларга гуманитар ёрдам етказишга имкон бериб келди. 

Янги резолюция лойиҳасини Германия, Бельгия ва Кувайт ишлаб чиққан. Унда ҳозирги тўртта чегара пунктидан учтасини сақлаб қолиш таклиф этилган. 

Россиянинг фикрича, Сурия президенти Башар Асад мамлакатнинг катта қисмида назорат ўрнатди, шунинг учун ҳам трансчегаравий гуманитар ёрдам резолюцияси эскирди. 

УЛАШИНГ:

Теглар:

Мавзуга доир:

“Ливияга қурол эмбаргоси ҳазилга айланиб кетди”

269 16:20 17.02.2020

Идлибда саросима, ҳамма қочяпти

728 18:15 14.02.2020

Нетаньяҳу БМТнинг “қора рўйхати" ҳақида: “Исроилнинг обрўсини тўкишга уриниш бўляпти”

461 16:40 13.02.2020

БМТ 100 та Исроил компаниясини "қора рўйхат"га киритди

722 11:25 13.02.2020

Маҳмуд Аббос Фаластин харитасини пишлоққа ўхшатди

886 14:20 12.02.2020

“Идлибдаги хунрезликни тўхтатинглар!”

409 16:00 08.02.2020
« Орқага