Назм

Боқ умматнинг ҳолига...

1196

Дунё – бузуқ тарози
Ёхуд сотилган қози.
Бор кимнинг эътирози,
Муштумзўр қўллар ёғар.

Қонталашдир бошлари,
Синалар бардошлари,
Кўр маломат тошлари
Мўл ёғар, мўллар ёғар.

Тазйиқлар ҳаддан ошди,
Ким собир, кимлар қочди,
Ҳайратдан ҳалим шошди,
Оловли дўллар ёғар. 

Бало қуяр бошига.
Замин тўлди лошига,
Чўкар етим ёшига,
Ҳам ўнг, ҳам сўллар ёғар.

Ер нотинч, гўдаклар оч,
Ҳам ташна, ҳам ялонғоч,
Ғаний, сен закотдан қоч,
Маҳшар саволлар ёғар.

Боқ амалдор, бойига,
Ҳақни қўймас жойига,
Раққосларнинг пойига
Зар ёғар, пуллар ёғар.

Қара уммат ҳолига,
Ҳисса қўш иқболига,
Қолмагин уволига
Етимлар, туллар ёғар.

Залолатга ботилди,
Дин дунёга сотилди,
Мўмин-муслим отилди,
Тўрт томон хунлар ёғар.

Эр ҳалок, хотин ҳалак,
Гўдаклар маъсум – малак,
Ўзинг нажот бер, Фалак,
Ёруғ иқболлар ёғар.

Кеч қулларинг гуноҳин,
Йўлга солгин гумроҳин,
Тутқаз имон силоҳин,
Зафару шонлар ёғар.

Гумроҳ Ғолиб, тавба қил,
Ўзгани қўй, ўзни бил,
“Аслинг билсанг, обу гил”
Устингдан гиллар ёғар...

Ғолиб БАҲРОМ

УЛАШИНГ:

Теглар:

Мавзуга доир:

Асир (15-қисм)

375 21:05 17.02.2020

Асир (14-қисм)

452 21:00 13.02.2020

Эри Россияга кетган аёлнинг ҳикояси...

3684 17:00 25.01.2020

Наҳотки мен қароқчиман!

1447 10:00 22.01.2020

Шайхни жеркиб берди, аммо...

2527 07:20 22.01.2020

“15 йил шундай хотин билан яшадим...”

4377 09:45 18.01.2020
« Орқага