Telegram каналимизга аъзо бўлинг
Янгиликлар

«Бойларга солиқ солинг, камбағалларга ҳужум қилманг»

640

Лондондаги юзлаб намойишчилар бойларни солиққа тортишни талаб қилмоқда

Намойишчилар Лондондаги Кингс Кросс вокзали олдига тўпланиб, яшаш нархи ошишига норозилик билдиришди. 

Улар қўлларига «Бойларга солиқ солинг, камбағалларга ҳужум қилманг», «Иш ташлашларни қўллаб-қувватланг» ва «Барчамизга маошни ошириш керак» деган шиорлар ёзилган плакатлар ва баннерлар кўтариб олишди, деб хабар берди euronews.cоm.

Кўплаб ноҳукумат ташкилотлар ва касаба уюшмалари томонидан қўллаб-қувватланган акция иштирокчилари ҳукмрон Консерватив партиянинг иқтисодий сиёсатини қаттиқ танқид қилди. 

Британиянинг янги Бош вазири Лиз Трассга нисбатан босим кучаймоқда. Вазифага келганидан кейин тўрт ҳафтадан камроқ вақт ўтгач ва яшаш харажатлари инқирози шароитида энг бойларга солиқларни камайтириш учун мини-бюджет эълон қилинганидан бир ҳафта ўтгач, сўровда қатнашган британияликларнинг 50% дан ортиғи унинг кетиши кераклигини айтди.

Ёзда Трасс собиқ молия вазири Риши Сунакни етакчилик учун курашда мағлуб этди, зудлик билан солиқларни камайтиришни ваъда қилди. Шунингдек, Буюк Британиядаги рецессия прогнозларига қарамай, иқтисодий ўсишни оширишга эътибор қаратди.

Аммо ўтган ҳафта Молия вазирлигининг янги канцлери Квази Квартенг солиқларни камайтириш режаларини эълон қилганида, улар кўпчилик кутганидан ҳам узоқроққа боришди: даромад солиғининг юқори ставкасини ва банк бонуслари бўйича чекловни олиб ташлади. Бу бозорларда беқарорликни келтириб чиқарди ва фунт стерлингнинг тушишига олиб келди.

Трасс ўзининг ўсишни рағбатлантиришга қаратилган молиявий режасини эълон қилиш «миллий иқтисодиётда узилишларга сабаб бўлганини» тан олди ва «мамлакат молиясини назорат қилиш учун қатъий чоралар кўрилганини» таъкидлади.

Жума куни қайта кўриб чиқилган маълумотларга кўра, Буюк Британия ҳали рецессияда эмас. Бу эса Бош вазир Лиз Трасс фойдасига ишлайди, аммо фоиз ставкаларининг кескин ўсиши туфайли мамлакат иқтисодиёти ҳали ҳам таназзулга юз тутиши мумкин.

УЛАШИНГ:

Теглар:

Мавзуга доир:

«Тепағон оқсоқол»га чора кўрилди

440 21:09 28.11.2022

Пермь университетида отишма уюштирган шахс бир умрга қамалиши мумкин

199 20:12 28.11.2022

Шаҳбоз Шариф: «Покистон ва Туркия ресурсларни бирлаштириши керак»

296 19:40 28.11.2022

Исроил журналисти: Қатарнинг қатъияти барчани ҳайратга солди

1276 18:35 28.11.2022

Boeing Пентагонга Украина учун арзон кичик ўлчамли бомбалар ишлаб чиқаришни таклиф қилди

247 18:05 28.11.2022

Эрон АҚШ устидан ФИФАга шикоят қилди

794 17:35 28.11.2022
« Орқага