Лестер шаҳри мусулмон етакчилари Британия ҳукуматининг диний бинолар фаолиятини қайта тиклашга берган ижозатига қарамай, масжидларни очмай туришга қатъий қарор қилдилар.
Буюк Британиянинг жамоат ишлари бўйича вазири Роберт Женрик олдинроқ диний муассасалар ижтимоий масофа меъёрларига мувофиқ равишда, якка тартибда турган ҳолда, 15 июндан эшикларини аҳоли учун очиши мумкинлигини эълон қилган эди.
“Leicester Mercury”га кўра, Лестер Мусулмон ташкилотлари федерацияси, ибодатга рухсат берганига қарамай, 15 июн кунидан шаҳардаги масжидлар очилмаслигини эълон қилган."Биз бу қарорни масжидларнинг васийлик қўмиталари бажариши учун ноамалий деб ҳисоблаймиз, бу диндорлар орасида тушунмовчилик ва норозиликни келтириб чиқариши мумкин ва улар буни жамоат намозларининг қайта бошланиши деб тушунишлари мумкин" дейди Федерация вакили Сулейман Наджи.
Аввалроқ, Британия ҳукуматининг маслаҳатчиси Кари Осим синагогалар ва черковлардан фарқли ўлароқ жамоавий ибодат шакли устун бўлган масжидларни жуда тез очишдан огоҳлантирган эди.
