Британияда бешта масжидга ҳужум қилган шахс судланяпти

09:30 23.08.2019 289

Буюк Британиянинг Бирмингем шаҳрида бир қатор масжидларга ҳужум қилган 34 ёшли Арман Ризозоданинг суди бошланди.

The Independent нашрининг хабар беришича, Ризозода март ойининг иккинчи ярмида – Янги Зеландиянинг Крайстчерч шаҳридаги терактдан сўнг Бирмингемдаги бешта масжидга ҳужум уюштирган. У шаҳардаги “Ал-Ҳабиб”, “Қибла”, “Ҳазрат Соҳиб Гулҳор Шариф”, “Файзал Ислом”, “Ғаусия” масжидлари ва Уиттон Ислом марказининг ойналарини синдириб ташлаган.

Аввалига Арман Ризозоданинг руҳий касалликка чалингани тахмин қилинган эди, бироқ ўтказилган текширув унинг соғлом эканини кўрсатди. Энди у қилмиши учун жавоб беради.

Azon.uz янгиликларини Telegram'да ҳам кузатиб боринг!