Telegram каналимизга аъзо бўлинг
Янгиликлар

Бу ўйин ёки кино эмас. Бу — УРУШ!

3208

Ўзбекистон расмийлари хориждаги фуқароларни огоҳлантирди

Бугун бутун дунё нигоҳи Россия ва Украинада. Путин Украинага қарши урушга қисман сафарбарлик эълон қилди. Бу бўйича Россия етакчиси фармонга ҳам имзо чекди.

Россия Федерацияси фуқароларига сафарбарлик бўйича чақирув хатлари кела бошлади. Табиийки, бу барчани бирдек ташвишга солиш билан бирга, хушёрликка ҳам ундайди.Ўзбекистон Республикаси Бош прокуратураси бу бўйича хориждаги фуқароларга мурожаат қилиб, огоҳлантириш билан чиқди. 

Қайд этилишича, Жиноят кодексининг 154-моддаси биринчи қисмига кўра, ёлланиш, яъни низолашаётган давлатнинг фуқароси ёки ҳарбий хизматчиси ҳисобланмаган ёхуд назорат қилиниб турган низолашаётган давлат ҳудудида доимий яшамайдиган ёки ҳеч қандай давлат томонидан қуролли кучлар таркибида расмий топшириқни бажариш ваколати берилмаган шахснинг моддий манфаатдорлик ёки бошқа бирон шахсий манфаатни кўзлаб, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиши беш йилдан ўн йилгача озодликдан маҳрум қилиш билан жазоланади.

Шунингдек, Жиноят кодексининг 154-1-моддасига кўра, Ўзбекистон Республикаси фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириши 3 йилгача ахлоқ тузатиш ишлари билан, ёлланиши эса 5 йилгача озодликдан маҳрум қилиш билан жазоланишига сабаб бўлади.

«Чет мамлакатларда бўлиб турган ҳамюртларимиздан ҳарбийлашган тузилмаларга ёлланмасликка, ҳарбий ҳаракатларда иштирок этмасликка чақирамиз ва бундай ҳаракатлар жиноий жавобгарликка сабаб бўлиши ҳақида яна бир бор огоҳлантирамиз», — дейилади хабарда.

Россиядаги сафарбарлик юзасидан ҳуқуқшунос Хушнудбек Худойбердиев ҳам муносабат билдириб, хориждаги ўзбекистонликларни ҳарбий ҳаракатларда иштирок этмасликка чақирди:

«Мабодо сиз Россияда ишлаётган бўлсангиз, пулга қизиқиб ёки турли ёлғон пропагандаларга ишониб Украинага урушга бориб юрманг! Пул эвазига одам ўлдириш учун ёлланиш катта гуноҳ ва оғир жиноят. Боз устига сиз иккала давлат учун ҳам бегонасиз! Урушга борсангиз, ёки итдай ўлиб кетасиз, ёки бир умрга ногирон бўлиб қоласиз, ёки мабодо соғ-омон қайтсангиз ҳам 10 йилга қамаласиз. 

Эсингизни йиғинг! Бу ўйин ёки кино эмас. Бу — УРУШ!», — дейди блогер.

УЛАШИНГ:

Теглар:

Мавзуга доир:

Марказий Осиё давлатларининг интеграцияси. Минтақа мустақил геосиёсий бирликка айланиши керак

627 21:45 03.02.2023

Агар адолат ўлса... 

740 19:45 03.02.2023

Исроил АҚШ ва Европа давлатлари босими остида Украинага қурол берадими? 

554 18:05 03.02.2023

Исроил молия вазири Фаластин пулларини мусодара қилди

702 16:20 03.02.2023

АҚШ осмонида разведка шари учиб юрибди

1063 15:05 03.02.2023

Коинотда рамазон ойи: «космос султони» орбитада рўза тутиш ниятида

950 14:20 03.02.2023
« Орқага