Telegram каналимизга аъзо бўлинг
Ахлоқ

“Бувимнинг бефарзанд дугонаси” (қисқа, аммо жудаям ибратли ҳикоя)

1992

Раҳматли бувимнинг дугоналари бўларди. Фарзандлари вафот этиб кетганми ё бола кўрмаганмиди, эсимда йўқ, кунда-кунора бизникига келардилар. Бир куни ўша аёл бизни мақтаб қолдилар:

- Ўртоқ, невараларингга кўз тегмасин, бир-биридан ақлли, бир-биридан доно-я! Қандоғам бахтли экансан! 

Мен ғурурланиб бувимга қарадим. Ичимда: "Ҳозир бувимам бизни мақтайдилар, айниқса, мени!" - деб маҳтал турибман. Лекин бувим...

- Э, қўй, мақтама буларни! Бола-чақанинг фитна эканини билмайсан-да! Сен шукрингни кўпайтир. Бу невараларам бор бўлсин-у, лекин... - у ёғига аллақанча менга ёқмаган гапларни айтдилар. Болалигимга бориб, бувимдан хафа бўлдим. Кечгача тўсрайиб юрдим. Кечки пайт бувим мени ёнларига чақирдилар. 

– Бояги гапларимга хафа бўлдинг-а? – дедилар. Мен баттар тумтайдим. 

– Ҳали ақлинг тўлишмаган-да, қизим, шунга хафа бўлдинг. Қулоғингда бўлсин, улғайиб, фарзанд кўрсанг, фарзанди йўқ аёлларнинг олдида болаларинг билан зинҳор мақтанма! Уйи йўқнинг олдида уйингни мақтама! Пули йўқ, ночорнинг олдида тўкинлигинг билан мақтанма! Пиёда қолганларнинг олдида уловингни мақтама! Айб бўлади!

– Нимаси айб бўлади?

– Унинг ношукрлиги кўпаяди, ичида ҳасад уйғониши мумкин, ўксиши мумкин, бир дардига ўн дард қўшилиши мумкин... Буларга сабаб бўлиб қолмаслик керак. Бировнинг ўкинчдан бўйни букилишига сабабчи бўлиш айб... йўқ, гуноҳ бўлади, қизим...

Бу ўгитлар хаётимда шунчалар кўп асқотдики...

Мана, сизларга ҳам илиндим...

Дилфуза Комил

УЛАШИНГ:

Теглар:

Мавзуга доир:

Ёлғон (фейк) ва нохолис ахборот тарқатганлик учун қандай жазо бор?

46 16:00 16.01.2021

Францияда масжидлар ёпиляпти

592 15:00 16.01.2021

Қайроққум сув омбори ўпирилгани ҳақида хабар тарқатганлар қўлга олинди

299 14:00 16.01.2021

Тортинманглар, Қуръон cайлига марҳабо!

326 13:19 16.01.2021

Трамп Марокашнинг олий мукофоти билан тақдирланди

282 13:00 16.01.2021

Фаластинда ниҳоят сайлов ўтказилади

296 12:00 16.01.2021
« Орқага