Telegram каналимизга аъзо бўлинг
Янгиликлар

Буюк Британия яна бир мустамлакасидан айрилди

1858

Барбадос Буюк Британиядан мустақиллигининг 55 йиллиги муносабати билан Британия тожи билан кўп асрлик алоқаларни узиб, республикага айланиш ниятида.

Британия тахти вориси шаҳзода Чарльз мамлакат оролнинг биринчи президенти бўладиган собиқ генерал-губернатор Сандра Мейсон президент бўлишга тайёрланаётган якшанба оқшомида Барбадосга етиб келди.

Бу қадам мамлакатнинг халқаро муносабатларига жиддий таъсир кўрсатмайди, чунки қироличанинг давлат раҳбари сифатидаги мавқеи фақат рамзий маънога эга эди.

Бироқ республика тизимига ўтиш тарафдорларининг фикрича, Британия қироличасининг Барбадос давлати раҳбари лавозимидан четлатилиши оролни мустамлакачилик ўтмишидан янада узоқлаштиради.

«Бизнинг мустамлакачилик ўтмишимизни бутунлай ортда қолдириш вақти келди», деган эди ўша пайтдаги генерал-губернатор лавозимида Моттли номидан нутқ сўзлаган Мейсон. 

Брижтаунда барбадосликлар ўзларининг янги республикаларини нишонлашга ҳозирлик кўраётган вақтда шаҳзода Чарлз конституциявий ўзгаришларга қарамай, орол ва Буюк Британия ўртасидаги илиқ муносабатлар давом этишини таъкидлаб, нутқ сўзлаши кутилмоқда.

Барбадос Африка, Осиё, Америка ва Европадаги 54 давлатни бирлаштирган Ҳамдўстлик таркибидаги республика бўлиб қолади.

Аммо унинг монархиядан чиқиши билан Ҳамдўстлик қиролликлари сони - қиролича ҳали ҳам давлат бошлиғи бўлган Ямайка, Канада, Австралия, Янги Зеландия ва Папуа-Янги Гвинея каби мамлакатлар сони 15 тага етади.

Британия тожидан воз кечган охирги давлат 1992 йилда Ҳинд океанидаги Маврикий ороли бўлган эди.

Мутахассисларнинг таъкидлашича, Барбадоснинг ҳаракати бошқа Ҳамдўстлик мамлакатларида, айниқса, иккита асосий сиёсий партия монархиядан тўлиқ узилишни қўллаб-қувватлайдиган Ямайкада республикачиликни кучайтириши мумкин.

Мамлакат 1620 йиллардан бошлаб Британия назорати остида бўлиб келган. Ўшанда инглизлар Барбадосни 1834 йилда озод бўлгунга қадар, минглаб африкалик қулларнинг меҳнат қилган шакар колониясига айлантирган эди.

Барбадос ва Кариб денгизидаги бошқа ороллардаги бу шафқатсиз тарих Буюк Британиядан товон пули талаб қилишга ундаган.

Аммо COVID-19 пандемияси туризмга боғлиқ бўлган Барбадос иқтисодиётига зарба берди ва фуқаролар бу ҳолдан  яқинлашиб келаётган конституциявий ўзгаришлардан кўра кўпроқ хавотирда.

УЛАШИНГ:

Теглар:

Мавзуга доир:

Британияда истеъмолчилар оғир кунларни бошдан кечирмоқда

700 09:35 18.05.2022

Kinder Surprise шоколадли тухумларидан салмонелла бактерияси топилди

569 14:05 08.04.2022

Собиқ бош вазир украиналик қочқинларга гуманитар ёрдам олиб боради

492 15:20 19.03.2022

Россия АҚШ ва Буюк Британиянинг ҳарбий жиноятларини эълон қилиши мумкин

4398 19:45 17.03.2022

Байроғида автомат тасвирланган давлат

1587 21:05 11.03.2022

Украина ўз ядро қуролларидан нега воз кечган эди?

2424 11:20 01.03.2022
« Орқага