Сурия пойтахти Дамашқда ҳарбий хизматчиларни олиб кетаётган автобуснинг портлатилиши оқибатида камида 13 киши ҳалок бўлди, 3 киши яраланди, дея хабар бермоқда Deutsche Welle.

Маълум бўлишича, автобус “Раис” деб аталувчи кўприк остидан ўтаётган пайт йўл четига кўмилган икки бомба портлатилган. Портлаш бугун эрталаб, аҳоли иш ва ўқишга кетаётган маҳал юз берган.

РИА “Новости” эса портловчи мосламалар автобусга ўрнатилгани ва ҳодисада 14 киши ҳалок бўлгани ҳақида хабар тарқатди. Яна бир мослама портламай қолган ва сапёрлар уни зарарсизлантирган.