Telegram каналимизга аъзо бўлинг
Янгиликлар

Давлат тилида иш юритиш – мажбурият

1424

Ҳар йили октябрь ойида кенг жамоатчилик муҳокамасида бўладиган мавзулардан бири ўзбек тилига давлат тили мақомининг берилганлиги бўлар эди.

Аввалроқ Чирчиқ туман ҳокимлиги томонидан давлат тилида бўлаётган мулоқотларда тилдаги муқобил сўзлардан ўринли фойдаланиш, ўзбек тилининг софлигини таъминлаш бўйича олиб борилган ишлар ва яқинда «Миллий тикланиш» демократик партиясидан Ўзбекистон Республикаси Президентлигига номзод Алишер Қодировнинг давлат тили масаласидаги таклифини ҳисобга олмаса, жорий йил бу мавзу атрофида у қадар жиддий гаплар бўлмаётгандек.

Номзод Алишер Қодиров агар у сайловда ғалаба қозонса, бошқа миллат вакиллари ўз ишларини давлат тилида бажаргани учун уларга маошининг 25 фоизи миқдорида қўшимча ҳақ тўлашга ваъда берди. Бир томондан қаралса, бу давлат тили учун ҳурмат. Унинг ривожи учун қўшимча маблағ берилишини олқишласа бўлади. Лекин қачондан бери давлат томонидан белгиланган қонуний ҳолатларни бажариш учун моддий рағбатлантириш керак бўлиб қолди? Ахир давлат тилида иш юритиш бу аввало мажбурият. Қонунда белгиланган ишни бажармаганлик учун жавобгарликка тортилади, лекин бажарганлик учун мукофот берилмайди. Акс ҳолда, қонунга амал қилган ҳар бир фуқарога доимий маблағ бериб борилиши керак.

Яна бир жиҳатни таъкидлаш лозимки, ҳукумат томонидан барча давлат ташкилотлари ўзбек тилида фаолият олиб бориши белгилаб қўйилган. Хусусан, «Давлат тили ҳақида»ги Ўзбекистон Республикаси қонунининг 9-моддасида «Давлат ҳокимияти ва бошқарув органларида иш давлат тилида юритилади ва заруриятга қараб бошқа тилларга таржима қилиниши таъминланади», деб қайд этилган.

Бироқ айрим давлат ташкилотларида бу нормага кўр-кўрона риоя қилинади, холос. Кўплаб хабарлар дастлаб рус тилида эълон қилиниб, маълум муддатдан кейингина ўзбек тилида чиқарилади. Унгача мазкур хабарнинг долзарблик даражаси йўқолиш эҳтимоли катта.

Айримлар давлат тилида иш юритиш бўйича олиб бориладиган тарғиботларни мамлакатдаги бошқа тилларга қарши ҳаракат сифатида баҳолайди. Аслида ундай эмас. Биз қонун билан белгиланган норманинг амалда ҳам қўлланилишини талаб қиламиз, холос. Бу нафақат қонуний тартиб-қоидаларнинг амалиётга татбиқ этилиши, балки халқаро ҳамжамият олдидаги юзимиз ҳам бўлишини унутмаслик керак.

Шерали Солиев

УЛАШИНГ:

Теглар:

Мавзуга доир:

Катта фиқҳ энциклопедияси: Ижтиҳодга лаёқат

183 21:50 22.05.2022

«Казбек. Осиё арслони»: Лазарь Моисеевичнинг тазарруси

435 21:10 22.05.2022

«Расуллуллоҳ (соллаллоҳу алайҳи ва саллам) сирлари соҳиби»: Мунофиқларнинг Расулуллоҳ соллаллоҳу алайҳи ва саллам жонларига қасд қилиши

58 20:35 22.05.2022

Динимни ўрганаман: эркак киши тилла ёки кумуш тақинчоқлар тақиши ҳақида

392 20:05 22.05.2022

Ахлоқус солиҳийн: Хушхулқ пайдо бўлиши мисоллари

270 19:05 22.05.2022

Диний либос ҳали ҳам таъқиқдами?

997 18:48 22.05.2022
« Орқага