Янгиликлар

Директорлари 100 фоиз қўшимча устама ҳақ оладиган «Халқаро математика мактаби» ташкил этилади

716

Бухоро вилояти Қоракўл туманида “Халқаро математика мактаби”ни ташкил этиш тўғрисидаги Ҳукумат қарори қабул қилинди. Бу ҳақда Адлия вазирлигининг Ҳуқуқий ахборот канали хабар бермоқда.

Қарорга мувофиқ, Қоракўл туманидаги 1-сон ихтисослаштирилган давлат умумтаълим мактаб-интернатига “халқаро математика мактаби” мақоми берилди.

Замонавий ахборот технологияларидан фойдаланган ҳолда аниқ ва табиий фанлар, шунингдек, чет тилларини чуқур ўқитиш, ўқувчиларнинг ижодий салоҳиятини намоён қилиш ҳамда уларни республика ва халқаро фан олимпиадаларига қатнашишга тайёрлаш халқаро мактабнинг асосий вазифаларидан бири этиб белгиланди.

2019-2020 ўқув йилидан бошлаб мактабнинг 7-синфига 90 нафар ўқувчи қабул қилинади.

Халқаро мактабда математика фанига қизиқувчи хорижий мамлакатлар фуқаролари ҳам шартнома асосида таълим олишлари мумкин.

Шунингдек, ўқувчиларга янада чуқурроқ билим бериш мақсадида халқаро мактабга хорижий мамлакатлардан ҳам ўқитувчиларни ишга қабул қилишга рухсат этилди.

2019-2020 ўқув йилидан бошлаб халқаро мактаб директори, ўринбосарлари ва ўқитувчиларига бюджет маблағлари ҳисобидан 100 фоиз қўшимча устама ҳақ тўланади.

Ҳужжат ҳақидаги тўлиқ маълумот билан www.lex.uz сайти орқали танишиш мумкин.

УЛАШИНГ:

Теглар:

Мавзуга доир:

Бухоронинг собиқ бош имом-хатиби коронавирусдан вафот этди

2831 12:45 18.07.2020

Бухорода фирибгарлар қўлга олинди

1120 15:29 16.07.2020

“Ура-ура”чилик қачонгача?!

2637 23:30 29.04.2020

Шавкат Мирзиёев Бухорога жўнаб кетди

1328 14:52 28.04.2020

Бухородаги кучли шамол: ўнлаб жароҳатланганлар ва ҳалок бўлган бор

1388 11:28 28.04.2020

Рухсатсиз бузилган Бухородаги Хўжа Калон масжиди олдидаги ҳовуз  прокуратура назоратида

700 22:30 22.04.2020
« Орқага