Доғистонда диний-маърифий марказ қурилиши учун 5 кг олтин тўпланди

12:30 09.04.2019 471

Доғистоннинг Хасавюрт туманида Исо алайҳиссалом номидаги диний-маърифий марказда биринчи республика аёллар мажлиси бўлиб ўтди.

Доғистон муфтийлигининг Инстаграмдаги саҳифасида маълум қилинишича, мажлисда Россиянинг турли нуқталаридан келган 3 мингга яқин киши қатнашди. Бу ерга йиғилган аёллар Исо алайҳиссалом номидаги диний-маърифий марказ қурилиши учун 32 миллион рубл ва 5 килограммдан ортиқ олтин эҳсон қилишди.

Тадбирда болалар учун викторина ҳам ташкил этилди.

Исо алайҳиссалом номидаги диний-маърифий марказида масжиддан ташқари Ислом университети, кутубхона, музей, спорт мажмуаси ҳам бўлиши кўзда тутилган.

Azon.uz янгиликларини Telegram'да ҳам кузатиб боринг!