Доғистонда “Қўлда ёзилган Қуръон мўжизаси” номли кўргазма ташкил этилди

Махачқалъадаги “Россия менинг тарихим” номли тарихий боғда “Қўлда ёзилган Қуръон мўжизаси” кўргазмаси ўз ишини бошлади, дея хабар бермоқда ЎМИ Тошкент шаҳар вакиллиги.

Кўргазма экспозицияларида қўлда яратилган Мусҳаф нусхалари намойиш этиш мақсадида қўйилган. Тарих институти Шарқ қўлёзмалари жамғармаси ушбу асарларни тақдим этгани айтилмоқда. Хабарда айтилишича, баъзи артефактлар ўта қадимий бўлиб, айримларининг ёши минг йилга бориб тақалади.

Ушбу кўргазма 2019 йилнинг 31 январига қадар давом этиши қайд этилган бўлса, унга кириш ташриф буюрувчилар учун текин экани ҳам эътиборга моликдир.