Янгиликлар

Доғистонлик журналист Абдулмўмин Гажиев яна икки ой қамоқда қолади

978

Терроризмни молиялаштириш ва террорчилик ташкилоти фаолиятида иштирок этишда айбланаётган доғистонлик журналист Абдулмўмин Гажиевнинг қамоқ муддати яна икки ойга узайтирилди.

“Бугун Махачқалъа шаҳри Совет тумани суди Абдулмўмин Гажиевни ҳибсда ушлаш муддатини икки ойга – 13 ноябргача узайтирди”, – деди суд вакили ТАССга берган интервьюсида.

"Черновик" ижтимоий-сиёсий ҳафталигининг "Дин" бўлими муҳаррири Абдулмўмин Гажиев 14 июнда қўлга олинган эди. Тергов талқинига кўра, журналист "Ансор" хайрия жамғармаси асосчиси, даъватчи Абу Умар Саситлинский (Исроил Аҳмаднабиев) билан суҳбатни газетада босиб чиқариб, одамларни унга пул эҳсон қилишга ундаган, жамғарма эса пулларни ИШИД жангариларига юборган.

18 июнда суд қарорига биноан Гажиев икки ой муддатга ҳибсга олинган эди. Июль ойининг бошида Россия президенти ҳузуридаги Инсон ҳуқуқлари бўйича кенгаш Бош прокуратура ва Тергов қўмитасидан Гажиевга нисбатан терговни ўз назоратларига олишни сўради.

УЛАШИНГ:

Теглар:

Мавзуга доир:

Коронавирус манзараси 

1099 23:30 03.04.2020

“Исломобод” масжиди қайта қурилмоқда

683 18:20 12.03.2020

“Тошкент нафас олишни истайди” флешмоби ўтказилди

1089 15:40 27.02.2020

Янги вазирлик ташкил этилди

850 22:29 18.02.2020

Хушхабар! AzonTVга  YouTube’дан "кумуш тугмача" келди

1871 17:47 10.01.2020

Буюк Британияда мусулмонлар сони расман 3 миллиондан ошди

790 09:30 06.01.2020
« Орқага