Telegram каналимизга аъзо бўлинг
Таҳлил

Мубашшир Аҳмад: «Хулқингизни ислоҳ қилинг, биродарлар!»

2080

Маълумки, ижтимоий тармоқ фойдаланувчилари орасида бир-бирига беҳурматлик, ҳақорат қилиш каби иллатлар кўпайиб кетяпти. Диний уламо Мубашшир Аҳмад бу каби оғриқли мавзуларга тўхталиб, ўз насиҳатларини билдирган.

Кўрмурид, гей, «сохта ундоқ», «сохта бундоқ» каби ҳақоратлар билан мусулмонлар бир-бирини сўкаётганини кўрсам ичимдан бир нималар узилиб кетади. Сиз бу қабоҳатингиз билан ахлоқли инсонларни қанчалар оғринтираётганингизни билсангиз эди...

Тарафкашлик, лақаб қўйиш ва ҳақоратлаш билан динга хизмат қилиш у ёқда турсин, катта-катта гуноҳларни елкангизга оляпсиз. Учинчи томон тегирмонига сув қуяётган бўлсангиз, тўртинчи томонни диндан бездиряпсиз. Агар ҳақорат, сўкиниш ва мусулмонларнинг ўртасини бўлиш ҳамда тарафкашликнинг ёмонликлари ҳақида далил сўрасангиз, ўнлаб бет далил келтиришим ё соатлаб гапиришим мумкин. Аммо буларни ўзингиз ҳам биласиз, қани манфаат? 

Мен буни икки томон учун баробар айтяпман. Ҳаётда таниганларимга юзига насиҳат қилдим. Кўриша олмайдиганларимга шу ерда ёзяпман. Бу сатрларни ўқиётганингизда ўзингизга ўзингиз сўз беринг, исломда ахлат ҳисобланган бундай иллатдан қутуламан деб. Акс ҳолда валлоҳи, жойингиз жаҳаннам бўлади. Сизнинг ахлоқингиз туфайли диндан безиганларнинг ҳам ва кучсизланган мусулмончиликнинг ҳам гуноҳи сизнинг зиммангизда! Аллоҳим гувоҳ бўл, етказдим!

Устознинг куйиниб ёзганлари ҳақиқатан муҳим гаплар. Нафақат дин олимлари, балки бир-биримизнинг ҳам ҳақимизга риоя қилмаётганимиз, ижтимоий тармоқларда сўкиш-ҳақорат билан ёзилаётган постлар на бу дунёда, на охиратда фойда келтирмайди. Аксинча, ушбу ифлос сўзларни, туҳматларни сўзлаган ва гапирган банда учун аламли азоб бўлиши мумкин.
Аллоҳ асрасин!

 

Мубашшир Аҳмад

УЛАШИНГ:

Теглар:

Мавзуга доир:

Эътиқод эркинлиги, дин ҳуқуқи ва исломофобия мавзусидаги суҳбат

350 09:44 22.01.2022

Диндорлар – энг ватанпарвар қатлам

2017 19:36 11.01.2022

Давлат хизматчиларининг одоб-ахлоқ кодекси: диний мансубликни билдириш тақиқланди

1857 16:34 11.12.2021

Хитой раҳбари динларни хитойлаштиришга чақирди

4863 10:03 06.12.2021

Америкалик мусулмонлар хайр-эҳсон ишларида пешқадам

954 11:45 03.11.2021

Тўйни исроф билан ўтказманг!

1296 21:05 27.10.2021
« Орқага