Merchant account бу – (бизнес, савдо аккаунти) савдо-сотиқлар учун банкдаги махсус ҳисоб рақами ҳисобланиб, Google фойдаланувчилари сизнинг товарингиз ёки хизматларингиздан фойдаланганда ушбу аккаунтингиз орқали сизга белгиланган пулни тўлайди. Соддароқ қилиб айтганда, сиз энди ўзингиз яратган мобил дастурларни бемалол сота оласиз. Мерчант аккаунтингизга тушган пулни эса сиз ўзингиз яшаб турган жойдаги банк орқали олишингиз мумкин.
Айрим давлатларда бу хизмат ўзларининг миллий валютасида йўлга қўйилган бўлсада, Google Ўзбекистон учун АҚШ долларида хизмат кўрсатади.
Шунингдек, қўшнимиз Қозоғистон учун ҳам шундай хизмат тури мавжуд. Лекин Googleнинг расмий сайтида кўришимиз мумкинки, Тожикистон ва Туркманистон учун бу хизмат ҳали ёқилмаган, Қирғизистон эса умуман рўйхатга ҳам киритилмаган.
