Эрдоған: “БМТ Хавфсизлик Кенгаши зулмларни томоша қилиб турибди”

10:40 26.09.2018 1913

БМТ Бош ассамблеясининг 73-сессиясида нутқ сўзлаган Туркия прзиденти Ражаб Тоййиб Эрдоған БМТ ислоҳ қилиниши кераклигини таъкидлади ва Хавфсизлик Кенгашини танқид қилди, дея хабар бермоқда ВВС.

Эрдоғаннинг фикрича, мазкур Кенгаш вето ҳуқуқига эга беш доимий аъзонинг манфаатларига хизмат қилмоқда ва дунёнинг турли нуқталаридаги зулмларга томошабин бўлиб турибди.

Маълумки, БМТ Хавфсизлик Кенгаши 15 аъзодан иборат ва унинг беш доимий аъзоси: АҚШ, Россия, Буюк Британия, Франция ва Хитой вето ҳуқуқига эга.

“Сомали, Мьянма ва Фаластиндаги қатлиомлар БМТ Хавфсизлик Кенгашининг кўз ўнгида содир бўлди”, – деди Эрдоған. 

Туркия президенти БМТ дунё аҳолиси учун адолатни таъминлай олмайдиган ташкилот эканини таъкидлади.

“Бугун дунёдаги энг бадавлат 62 кишининг бойлиги дунё аҳолисининг қарийб ярми, яъни 3,6 миллиард кишининг бойлигига тенг бўлса, бу ҳолат муаммо мавжудлигининг белгисидир”, – деди у.

Azon.uz янгиликларини Telegram'да ҳам кузатиб боринг!