Эрдоған: Мурсийнинг ўлими табиий равишда бўлганига ишонмайман

10:30 19.06.2019 3406

Туркия президенти Ражаб Тоййиб Эрдоған Мисрнинг аввалги президенти Муҳаммад Мурсий табиий равишда ўлганига ишонмаслигини айтди. Бу ҳақда «Анадолу» хабр берди.

Буни Эрдоған минглаб турклар ва маҳаллий араблар йиғилган Истанбулдаги Фотиҳ масжидида Мурсийга ўқилган ғойиб жаноза намозидан сўнг айтди.

Эрдоған: «Мурсийнинг ўлими табиий равишда бўлганига ишонмайман» ,деб айтди.

У сўзи давмоида: «Сиси (Мурсий вафот этганидан сўнг ҳам) зулм қилишдан тўхтамади. Мурсийни васиятига кўра, ўз қишлоғида дафн этилишига йўл қўймади», деди.

Ўзининг ўта юксак даражадаги ахлоқи ва инсонийлиги билан танилган Муҳаммад Мурсий  кеча эрталаб Қоҳира шарқидаги қабристонда бир нечта оила аъзолари иштирокида қаттиқ қўриқлов остида дафн этилди.

Туркия президенти нутқи давомида: «Мурсий суд жараёнида Роббисининг ҳузурига йўл олди. Бу табиий жараёнми ёки бу ерда қанақадир ўйинлар мавжудми? Бу ерда бир қанча саволлар туғилади… Унутманглар! Бу мамлакат (Туркия)да ҳам Сисига ўхшаганлар бор. Шу сабабдан биз ўта эҳтиёткор бўлишга мажбурмиз», деди.

Эрдоған Европа Иттифоқида ўлим жазоси таъқиқланган бўлишига қарамай Мисрда бўлаётган йиғилишларда уларнинг вакллари иштирок этаётганига эътибор қаратди ва: «Мазлумлар тинчимайдилар. Золимларга қувонч йўқ. Улар Жаҳаннам ўтинига айланадилар», деди

Туркия етакчиси Мурсийнинг ўлими ҳақида гапираркан: “Биз шаҳидларнинг қийматини биладиган умматмиз. Аллоҳ таоло каломида айтган сўзни айтамиз: «Аллоҳнинг йўлида қатл бўлганларни ўликлар деманг. Балки улар тирикдирлар, лекин сиз сезмайсиз».

Azon.uz янгиликларини Telegram'да ҳам кузатиб боринг!